حـيدر  حيدر ...من صوت أبو طالب  سمعناها حـيـدر  حيدر ...أربع حروف إبعينه  شفناها بـفـراق أبـو طالب بجه طاها النبي و أصحابه واضـح عـلـه إعيونه الحزن فارق أعز أحبابه غـابه و يظل فوضه الوضع لو غاب ليث  الغابه و الـتـعـبـد اللآة و هبل فرحانه من  إغيابه رايـه  رايـه...رايـتـنـه  و بزودك  رفعناها رايـه رايـه ...هـاي العلي و شخصك تمناها لـيـش الـحـقايق تنقلب و المسلم إيكفرونه هـذا أبـو الـرد الشمس بس مشرك إيسمونه مـا  يـبـتـعد عن النبي سيف و يدافع  دونه سـيـد  العرب كل العرب و الواجب  يرفعونه آيـه  آيـه  ...رتـلـهـا حيدرنه و  كتبناها آيـه  آيـه... آيـة عـشق و إحنه  العشقناها إنـت لأن إبـنـك عـلـي باعوك بيع  الذمه بـس الـحرق باب النبي عدهم صحابي  إتسمه هـالأمـه  مـا تسوه العتب ميت ضمير  الأمه و إنـت يـوالـد حـيدره قمه و تظل  بالقمه عـالـي عـالي... فوق النجم هالكلمه  معناها عـالـي عـالي... و الغيره من عدكم أخذناها إنـت  الـدرع للمصطفه من الزمن و  أخطاره إنـت  يـمـن كـلـك علي لكن بلا  فقاره أشـرف نـبـي يـتـذكرك من ينظر الكراره تـبـقـه  الـبحر و بهيبتك و إتخافك البحاره غـالـي غالي... كلمة شرف و إحنه الحجيناها غـالـي  غـالي ...حبك فريضه و ما  تركناها لـعـيـونـك إنظل عالعهد مهما يصير  إويانه و  الـلـي يـمسك سيدي و الله نقص  إلسانه إحـنـه الـسـيـوف الما تذل بالموزمه  تلقانه مـا  نـنـسه  إحنه و نعتقد حيدرنه ما  ينسانه والـي والـي... هـالـكلمه بالدم  إشتريناها والـي والـي... بـعنه النفوس و عيب  بعناها الـربـتـه  هـنـد إبحقد غير الحقد ما  عنده أكـلـت  جـبد  عم النبي و إتغذه من الجبده صـاح  إبـها مشرك للعظم و الناصبيه  إتمجده و  إتـقـول أبو سفيان إجه و النبي صافح  يده ويـنـه  ويـنـه...  راونه جذبه و ما  قلبناها ويـنـه ويـنـه... يرويها بن هند و  رفضناها يـالـنـاصبي  المثلك  يظل أخرس و لا يتكلم مـعـقوله  والد  حيدره أشرك و أبوك  الأسلم إنـت و أبـوك و زمـرتك من هالرجل  تتعلم هـذا  الـشرف كل الشرف يالبشرف ما  تفهم يـبـقـه  يـبقه... أعظم قضيه و ما  نسيناها يـبـقـه يـبـقه ...و بعالم الذر إيده  بسناها يـالـناصبي  أحسن إلك تبقه إعله طبع  إيزيدك إيـدي  أقـصـها من المتن لو مره لمست  إيدك و  إعيون  أبو طالب أظل ضدك و أبد ما  أريدك خصمك علي يوم الحشر و إنشوف منهو إيفيدك بـاجـر بـاجر ...ساعة حسابك و  إنتظرناها بـاجـر  بـاجـر... منهو اليعبرك لو  عبرناها