أضف الموضوع
الشاعر السيد سعيد الصافي الرميثي - 01/05/2012م - 10:42 م | عدد القراء: 3054
قطعه من قلب الرسول...فاطمه الزهره البتول
حـاربوها ...و عذبوها...فاطمه الزهره البتول
جانوا إيسمعون أبوها إيوصي بيها ابكل وكت
فـاطـمه يا ناس روحي تبقه عندكم لو رحت
الله صـورنـي الأجـلـها إلها إكراماً صرت
هـيـه بـنتي و هيه أمي و عله حبها إترعرت
روضـه مـليانه حنان...و يمها أشعر بالأمان
أم أبـوهـا... عذبوها...فاطمه الزهره البتول
جـانـوا إيـشوفون كلهم من يروح البضعته
كـل صـبـاح و كـل مسيه يعتنيها إبلهفته
يـفـقـد الزهره إبحنانه و عطف قلبه و دمعته
و يـدخـل الـدار بـإذنها هيه بنته و مهجته
قبله إحساس و شعور...و يلتقي نور إعله نور
مـا رعوها... عذبوها...فاطمه الزهره البتول
و مـن دنت ساعة رحيله صاح يا حامي الحمه
يـا عـلـي بـغيابي عندك راح أودع فاطمه
و أدري بـاليجري عليها ابخبر من وحي السمه
قـلـي يـتـصوب قلبها و الصدر ينزف دمه
من يعصروها و تطيح ...يا علي إدخيلك تصيح
هـاجـموها... عذبوها...فاطمه الزهره البتول
آنـه أدري إعليك صعبه و إنت حماي الدخيل
بـيـك تـتـنخه الوديعه و المدامع دم تسيل
و أدري يـا بو حسين صبرك ما له بالعالم مثيل
إبـصـبرك و ضلع الزجيه ينحفظ دين الجليل
إبـعينك إتشوف اليصير...بضعتي من تستجير
روعـوهـا... عذبوها...فاطمه الزهره البتول
و مـشـكـله الما تلقه حلها يالتحل المشكله
مـن تـشـوف الـعين حمره و المدامع هامله
و مـوقـف اليجرح شعورك ما أظن تتحمله
يـا عـلـي بـيـدك بدنها من تريد إتغسله
مـن تصد كسر الضلوع...ينصدم قلبك يلوع
صـوبـوها... عذبوها...فاطمه الزهره البتول
و الأشـد مـن هذا كله و الصعب يا حيدره
إبـلـيل لو شلت الوديعه ووسدتها إعله الثره
جـن أسـمـعك تعتذر لي إتصيح يا خير الوره
رجـعـت لـيك الوديعه و خل تخبرك بالجره
روعـوهـا الـحـاقدين...سقطوا منها الجنين
و شـتموها... عذبوها...فاطمه الزهره البتول |
|
