حـيــرتني بـغـيبتك وانتظرك  ابنار قـوم  إخـذ رايـة محمد واطلب  الثار معروفه  الاسباب *-* يشرح لك  الباب قـوم  إخـذ رايـة محمد واطلب  الثار *-*-*-*-* انـت  تـدري ابغيبتك شفنه  العجايب يـعـني  تبقى اليا وكت يالمهدي  غايب وانـت  بـعيونك شفت هاي  المصايب يـاصـبـر  يـنـفعنه بفراق  الحبايب بـنـتـظـارك سـيدي الآخر  علامه يـا  امـلـنـه  ندعي ترجع  بالسلامه عـذبنه  الغياب  *-* يشرح لك  الباب *-*-*-*-* الـبـريـه ابـحـبكم الباري امتحنها هـالـمـحـبه ابكل وكت ندفع ثمنها سـيـدي  والـباب خل يشرح  حزنها حـتـى  تـسـمع ونة الام اعله  بنها لازم تـشـاهـد اثـر جـمرة  دمعها وانـت  صيح  ابيا ذنب كسروا  ضلعها عن  هذا المصاب *-* يشرح لك  الباب *-*-*-*-* احـنـه حـبـينه علي و ماعدنه غيره والـيـحب حامي الحمه يرضه  ابمصيره احـنـه  مـا نعتب على الميت  ضميره والله بـس الـرافـضـيه العدها  غيره بـالـشـوارع سـيـدي تنزف دمانه كـلـها  ضدنه وماكو بس انت  رجانه مـا عدنه أحباب *-* يشرح لك الباب *-*-*-*-* والله يـالـمـهدي خلص دمع  النواظر عـن  يـقـين وعن علم غايبنه  حاضر يـابـو  الـغيره ابطلعتك جبر  الخواطر هـذه  شـيـعـتكم غريبه بلايا ناصر صـاحـت  الزهره  قبلنه وين  الانصار كـلـها سكته وبالصدر جاوبها  مسمار لـو رايـد جواب ** يشرح لك  الباب *-*-*-*-* لـو نـقـول الـظـالـم بحكمه تماده كـلـها  صاحت رافضه وتطلب زياده اجـتـمعوا  بليل  وصدر حكم الاباده واحـنه  نبقى نصيح حي على  الشهاده بـالـسـقـيـفه قرروا هاي  العداوه لا تـزال لـلـيوم تصدر هاي  الفتاوه يالعندك  إحساس *-* يشرح لك  الباب *-*-*-*-* احـنـه اهـل الـمـبدأ واهل القضيه والـمـحـبـه الـكل بشر عدنا هويه صـاحـوا نـحـلـل قتال  الرافضيه صـحـنـه  كـلا  لـلقتل والطائفيه مـن  مـشـه إمقيد علي وبيده  فقاره هـذا درس الـتـضحيه اتفهمه  الغياره عـن  دمع العتاب ** يشرح لك  الباب *-*-*-*-* بـنـتـظـارك تـرفـع الرايه  وتجينه الـزمـن والـنـاصـبه إنداروا  علينه واحـنـه  نـلهج بيك دوم وما  نسينه يـاصـبـر  غـير الصبر احنه  شبدينه حـاربـونه  وماسكت صوت  التحدي صـاحت  دموع  العتب وينك  يامهدي سهم الغدر صاب *-* يشرح لك الباب