آه يـبـنـي أنـوح اعـليك لتروح و  تخليني أحـوم  الليل أدور اعليك و أرويك إبدمع عيني آه  يـبـني إنذبح عطشان و إسهام الغدر ترويه آنـه  أمـه  و أناغي له و أشوفه يرفس ابرجليه شبه  طير  اعله صدر حسين يرفرف منذبح بيديه دمـه  امـن  النحر يجري يويلي و السهم  ماديه و  آنـه اللي عماني النوح و مني راح ضي  عيني آه  يـبـنـي إبظلام الليل أقضي الليل  سهرانه أعـد إنـجـوم و أتذكر و أهيم إبلوعة  أحزانه عـيـني ما يجيها النوم و وروحي إتريدك  إهنانه تـجـيني صورتك كل ساع تروح و أبقه  لهفانه يـبني و ذاب حيلي اعليك و ذابت شمعة  إسنيني يـعـبدالله  المهد خالي موحش ظل عقب  عيناك أهزن بيك و أناغي لك تدري اشقد يسرني إنداك تـعـيش ابخاطري ذكراك يبني شلون بيه  اوياك جـنـك  عـايش اويايه لا تنساني و لا  أنساك لا طـيـفـك يـفـارقني ولا الحسره  تجافيني يـبـنـي  و يا نسيم الهاب يغصن و أقعد  ابفيه يـا  حـلـم  و يمر عالبال كل سا يلفي  طاريه يـا  نـغـمة حزن و إدموع ظلت بالقلب حيه تـعـيـش اويـاي ليل إنهار ما خلت عقل  بيه إنـت سـلـوتـي الـحـلوه لتروح و تخليني يـبـني  اشقد أفز بالنوم يدوي إبمسمعي  إسمك أقـومن  و أركض المهدك بلكن ساعه  أشوفنك تـناغيني  و أناغي لك و أروي الروح من  شمك لاجـن خـابـت إظـنوني أرد إردود من  يمك لا مـوجـود أشـوفـنك و لا طيفك  يسليني