حزن روحج وحي والصبر إلهام دنت  نوق السبي لازم  تروحين تلت عينج عتب والمدمع  ايموج رفيف الرايه بطّل والهوى  اينوح جبل  لا مو جبل ويهده  زلزال يـقـيدونج علي لمن  يضربوج ولان  ماكو  فدك منج  يسلبوه يـامن بين الهزيله ومحمل الضيم تاجج  عالرمح يا اخت  الحسين من  المحمل نظرتي الراس  مرفوع سلام  الله  على الآمج ياحوراء بلسان  الشقشقية صحتي  بيزيد شفتي العود يضرب ثغر  الحسين يـا  أول  مـرة إبـعالم الثوار يـاثاني  كفيل الضعن  الاحزان يـاثالث  ثلاثه بصحف عاشور

يـابـضعة  علي ودمعة غديره على الشاطي إلج نظره  الاخيره غـرق من الخجل بدر  العشيره عـباتج  رفت وصارت  سفيره وقـفتي  وحيريتي  الدنيه  حيره فـاطم انتي وإضلوعج  كسيره سـلبوا  خدرج ورحتي  أسيره قـطعتي الدرب من ديره  لديره وانـتـي بموكب احزانج أميره نطحتي اجبينج وصارت  شعيره ابـنزيف  المجد  خطيتي  المسيره رعـد  وبمجلسه يدمدم هديره وعـبـاس بعيونج يحجي  غِيره شـلتي  كربله  ابروح  البصيره قـلـبج  بالبشر ماصح  نظيره الـزمن رتل اسم زينب ضميره