يـا  خـويه حل وكت الوفه وينك يوفاي ...جا ترضه لوعنه العطش إنهض  يرجواي عـبـاس  آنه  إختك لو ردت أتعاتب إوياك ...إنت الجتني امن الوطن يا خويه بحماك طـول الـدرب تـبره الضعن سهرانه عيناك ...نعم الإخو يا با الفضل يا قمر  دنياي جـيـتـك يـا خويه أطلب طلب منك يمغوار ...إنهض يبن حامي الحمه جرد  البتار كـلـها  إعله جودك شابحه يا خويه الأنظار ...يا خويه أطفال و حرم تتعاتب  إوياي زيـنـب لـخوها إتعاتبه و إتهل الدموع ...يا با الفضل درب النهر جا ترضه مقطوع و إمـن الضمه أطفال و حرم تتلوه و إتلوع ...يا خيمه لقصدها يا خويه تطلب  الماي راعـي  الـوفـه  لمن سمع زينب تحشمه ...سل صارمه و طب حومته مغضب إبعزمه هـذا بـن حـماي الحمه و معروف إسمه ...صاحب الغيره و الفخر و الهيبه و  الراي راح  و عـلـى دربـه بـقت تربي و تتاني ...صاحت يذخري إبدنيتي و كل  الأماني ودعتك و حيلي إنهدم مدري إشدهاني ...لوني إنخطف خويه و غدت تتراجف إعضاي مـنـتـظـره  خـوهـا الـجيته شابح نظرها ...ما يبطي واعدها يرد سالم قمرها حـقـهـا  الـعـقيله  يا خلق ينفذ صبرها ...صاحت فلا أقطع بعد لفراقك إبجاي صـوب  أبـو اليمه إتوجهت و إتنادي يحسين ...عباس إخويه إشعطله خبرني  جاوين قـلـهـا  يـزينب عالنهر قطعوا الجفين ...صاحت يخويه إشهالخبر مو قطع  إحشاي