أضف الموضوع
الشاعر السيد سعيد الصافي الرميثي - 17/01/2012م - 8:45 م | عدد القراء: 3548
جـنـت أتـمـنـاك يـا خـويـه ...جـنـت أتـمـنـاك
لـلـمـوطـن تـرجـع بـضـعوني...آنه إختك يا نور إعيوني
جـنـت أتـمـنـاك يـا خـويـه ...جـنـت أتـمـنـاك
خـويـه يـا عباس يا قمر دنياي...أحن من أمك إلك جان إرباي
جـنت أتمنه ترضع إمن إحشاي...و أنتظر تكبر تحجي خويه إوياي
أحــســب أيــام يــا خـويـه ...أحـسـب أيـام
إبـجـيـتـك يـا يـوم إيـبشروني...آنه إختك يا نور إعيوني
جـنـت أتـمـنـاك يـا خـويـه ...جـنـت أتـمـنـاك
جـان يـحـجـي لي والدي عنك...و آنه فرحانه يمته أشوفنك
قـلـت أطـر قـلبي و بيه أضمنك...إخو يا عباس و النعم منك
أتــفـاخـر بـيـك يـا خـويـه...أتـفـاخـر بـيـك
إخـت الـعـبـاس إيـسـمـونـي...آنه إختك يا نور إعيوني
جـنـت أتـمـنـاك يـا خـويـه ...جـنـت أتـمـنـاك
مـا شفت عِشره إبشكل عِشرتنه...و خوه ما صارت مثل خوتنه
نـشـتـرك جـنـه إبضيم دنيتنه...بالغدر جم عين غفل صابتنه
كـل خـوفـي إعـلـيـك يـا خـويـه ...كل خوفي عليك
خـاف الـشـمـات إيـحـسـدوني...آنه إختك يا نور إعيوني
جـنـت أتـمـنـاك يـا خـويـه ...جـنـت أتـمـنـاك
أخـبـار فـرقتنه جنت أعلمها...و إنت تنشدني و عنك أكتمها
أصـد لـجفوفك و قمت أشتمها...هالجفوف إشلون تسبح إبدمها
و عـيـنـك تـنـصـاب يـا خـويـه... و عينك تنصاب
يـا ريـت إبـعـيـنـي إيـصوبوني...آنه إختك يا نور إعيوني
جـنـت أتـمـنـاك يـا خـويـه ...جـنـت أتـمـنـاك
و مـرت الأيـام و ريت ما مرت...أيامنه الحلوه بالعجل خلصت
مثل مزنة صيف خويه و إتعدت...إبيوم شفت النوق ناخت و حنت
و لـلـطـف طـبـيـت يـا خـويـه... لـلـطف طبيت
يـا عـبـاس إتـغـيـر لـونـي...آنـه إختك يا نور إعيوني
جـنـت أتـمـنـاك يـا خـويـه ...جـنـت أتـمـنـاك
ليلة إوداعك قلت بلجي إتطول...الصبح لو يلفي و الظلام إيزول
بـينك و بيني القدر خويه إيحول...آنه وين أبقه إشرايك و شتقول
خـل أمـشـي إويـاك يـا خـويـه ...خـل أمـشي إوياك
و قـبـلـك عـبـاس يـذبـحـوني...آنه إختك يا نور إعيوني
جـنـت أتـمـنـاك يـا خـويـه ...جـنـت أتـمـنـاك
الـعـتـب لو ياذيك خويه أرفعنه ...القلب مو بيدي حته أسكتنه
هـو الـلي إيقلي و يجذب الونه ...المثل أبو فاضل إشلون أودعنه
الـيـسـره و يـمـنـاك يـا خـويـه... الـيـسره و يمناك
يـوم الـقـطـعـوهـن هـضموني...آنه إختك يا نور إعيوني
جـنـت أتـمـنـاك يـا خـويـه ...جـنـت أتـمـنـاك
سـكـنـه يـا عباس زيدت همي...تبجي و إتقلي وين جا عمي
و الأشد من هاي لو جنت يمي...من لفتني القوم و حرقت إخيمي
مـن يـطـفـي الـنـار يـا خـويـه ...مـن يـطفي النار
سـلـبـوا أيـتـامـي و سـلبوني...آنه إختك يا نور إعيوني
جـنـت أتـمـنـاك يـا خـويـه ...جـنـت أتـمـنـاك
إجـت يـم قـبري تلطم الزوار...جايبه إوياها امن العراق أخبار
قـبرك إيقولون هدمته الأشرار...قلت و إلها اليوم ما طفت هالنار
مـيـتـه و فـزيـت يـا خـويـه ...مـيـتـه و فـزيت
إمـن إسـمـعـت الـشـيعه يندبوني...آنه إختك يا نور إعيوني
جـنـت أتـمـنـاك يـا خـويـه ...جـنـت أتـمـنـاك |
|
