بـحر جروحك ظل يتماوج ...يحسين من  ادماك مـثـل طـيـورالنورس نزلت...يمك هالاملاك هـذا يـغـطـيك بجنحانه ... ذاك يون  اوياك والـشمس  تسامحها تمنت ... زادت من  اضماك شـمـس العاشر شافت منظر وانت اعله التربان بـالـمـصـرع نـايم وجروحك غطتها الميدان بـس  هـاي  شفافك تتحرك ومغمض  الأجفان شـتـقـول انـت بهاي اللحظة ما يمك  انسان قـامـت تـستعجل مغربها وتصغي لك  بأحزان سـمـعـت همسة تصم الدنيا يالتهمس عطشان الـشـمـس بحزن احترقت اكثر وتقلك  رحماك و  اتـمـنـت لو جانت تقدر تمطر فوق اشفاك مـحـتـارة الـشمس شما تحزن بيها تزيد  النار فـوق  اضـمـاك  تـزيدك اكثر وتقدم  اعذار مـو  وقـت  الـليل الياخذها والمغرب ما صار وتـشـوف الـشـمـر وتتلفت بين يمين  يسار تـبـحـث عـن غيمة تمر بيها مو لجل  الأمطار بـس  حـتـى الذبحك ما تنظر وتغض  الأبصار لـكـن هـذا عـلـيـها تقدر بالمبذبح  تلقاك وبـيـوم الـمـحـشر يم ربها تشهد ضد عداك هـالامـواج الـمـرجـانية من النحر  المذبوح فـيـض مـن الرحمة ويتنازف لو دمك  مسفوح الله  اتـولـه الـقـبض بايده واستقبل  هالروح عبرة روحك فوق جروحك ظل جسمك مطروح كـسرت  عين الشمس انوارك فوق الرمح  تلوح وعـلـى  مـصابك أُفق العالم كل غروب ينوح يـا  مـن صـار اغيابك مَشرق والنور  بذكراك صـلـى الـحـزن عليك وسلم يحسين وحياك