يـا عـباس يا ضوه عيوني ..... يا عباس رجعت ضعوني
يـا عـبـاس عـايـن امـتـونـي
ويـاك اجـيـت مـن الـوطـن يا خويه وانت الوالي
ويـا بـا الـفـضـل طول الدرب صبح ومسى تبرالي
كـلـسـا تـنـوخ نـاكـتـي تـنشدني عن احوالي
ومـا تـرضـى طـيـر الـبـالسما لمن يشوف خيالي
يـالمعروف صاحب الغيرة ..... كوم وشوف زينب بحيرة
يـا عـبـاس عـايـن امـتـونـي
يـاخـويـه لـو قـلـبـي جـبل يتهدم من الحسرة
ايـوب لـو مـثـلـي ابـتـلـى يجزع وينفذ صبره
ويـاك اجـيـت بـهـيـبـتـي لـمن رجت متيسره
مـن ركـبـونـي عـلـى الـهزل خنقتني خويه العبرة
صحت بصوت من يباريني ..... ريت الموت خويه يلفيني
يـا عـبـاس عـايـن امـتـونـي
شـحـجـيـلـك بـحالي شجرى لمن وصلت الكوفة
انـه الـعـقـيـلـة ام الـخـدر بـت حيدر المعروفة
جـاراتـي مـا جـانـت قـبـل تكدر خيالي تشوفه
يـابـا الـفـضـل فرجة اصبحت وعلى الهزل مجتوفه
والانـظار ليه مشبوحه ..... وقلبي احتار نزفت جروحه
يـا عـبـاس عـايـن امـتـونـي
ولـلـشـام ظـعـنـي مـن كطع هاجت جميع آلآمي
مـا طـبـك جـفـنـي ولا هجع قلبي الذبيح الدامي
يـاخـويـه راسـك عـالـرمح طول الدرب جدامي
مـثـل الـمـطـر دمـعـي نـزل لـمن ذكرت ايامي
طيف وراح وانتهى خدري ..... يوم الطاح عالنهر ذخري
يـا عـبـاس عـايـن امـتـونـي |
