يـمـذبـوح يـمـذبوح ...يبعد أمك  يمذبوح شـده  بـالي ...المهد خالي ...يبعد أمك يمذبوح يـعـبدالله تسعة أشهور جنت بضلوعي  تتمرجح و أقـولـن لو تعت قلبي سرور الخاطري و  أفرح طـلـبـتك  يبني  من ربي إبدليلي الرتل و  سبح إستجاب الدعوتي الباري و غده دمع الفرح  يطفح و  أعـد الجيتك و أتنه إبنظر صبح و مسه  يشبح يـورده و من عطر جدك جنت عندي أشم  أنفح يـبـدر  الـنورت ليلي يصبحي و بالأمل  صبّح أعـايـن مـهـدك الـخالي إشيهود قلبي المجرح إله إجروح إله إجروح ...القلب وسعه إله إجروح شـده  بـالي ...المهد خالي ...يبعد أمك يمذبوح جـنـت لـو أعاتب إعيوني سهر كافي بعد  نامي تـقـول  إشلون أنام الليل و أعوفن زهرة  أيامي إذا فـز و بـجـه الـسلوه أشبكه إبدمعة آلامي جـنت من السهر يبني من أقومن ترجف  إعظامي لـجـن وسـفـه يـعبدالله زماني البدد أحلامي حـلـيبك ناشف إبصدري لهيب إبجبدك  الضامي خـدوك إمـيـه يرونك رجعت و منحرك  دامي صحت  يوليدي من شفتك ذبيح و مرمي  جدامي يـمـسـفـوح يمسفوح...يدم جبدي  يمسفوح شـده  بـالي ...المهد خالي ...يبعد أمك يمذبوح يـعـبـدالله القلب جا طاح لجن إضلوعي  لزمنه أعـايـن  مـهـدك الخالي و ربايه الراح  أذكرنه يـولـيـدي الـخـلـق كلها تنام إبراحه تتهنه و  آنـه إويـه الـسـهر يبني حرام إنجان  أنامنه ألـولـي و الـمـهد خالي جنت بضلوعي أهزنه لـون مـهـدك تـمـر لحظه يضي عيني أعوفنه تـفـز  من نومك و تبجي و صوتك يبني  أسمعنه الـقـلـب قـبل الجدم يبني إلك يا سلوه  يتعنه و  إلي  روح و إلي روح ...حنينه إعليك إلي  روح شـده  بـالي ...المهد خالي ...يبعد أمك يمذبوح عـسـاهـا إنشلت إيمينه الرماك إبسهمه  بالمنحر خـصـيمه  جدك  الهادي شيقول إبساعة  المحشر ذنـب  يـوليدي ما عندك عليمن صابك إشفكر يـولـيدي و أبوك حسين صاح و خاطب  العسر قلهم  هالطفل  عطشان و جبده من العطش  يسعر شـربـت  مـاي دسـقونه رضيع و امه  تتنطر ضـمـيـر و رحـمه ما عندهم بيهم أبد ما  أثر صـخـر  لـو ينظر الحالي يذوب الصخر  يتفسر عله  النوح  عله النوح ...لذب روحي عله  النوح