يـخـويه إبكربله من ناخت إضعوني هذا  إعتاب زينب ويه أخوها  حسين هـالـعسكر  عليمن ملتم  الصوبين ما  أدري إشدهاني و ترجف  أعظامي خـوفـي مـن زماني و دورة أيامي أول سـهم من عنده دليلي  إنصاب و الـثـانـي أبـويه الوقع بالمحراب هـاي الأرض قلي إشبيها من أسرار لـيـش  إترابها  يختلف لونه و  حار سـر  بيها شفت يحسين ما  مشيوف و أحس قلبي بحسرات الهضم  مجتوف و إخـوهـا حسين محتار  إشيجاوبها إبـزغـر سنها الزمن بالحزن  حاربها

خـفـق يحسين قلبي و إنخطف  لوني صـاحـت  مـا  تخبرني ينور  العين يـا  مـن  بـالخدر و الهيبه جبتوني و  إدمـوعي تسيل و هاجت  آلامي و  تـدري إبجم سهم يحسين صابوني إبيوم الصوبوا ضلع أمي خلف الباب و إبـجبد الحسن و إصوابه  فجعوني يخويه حسين عنها إشعندك من  أخبار و أظـن مـا يبرد إله إبدمعة  إعيوني أنـقـل جدم يعثر جدم من  الخوف و  أحس مثل الجمر يسعر عله  إمتوني يـكـفيها  إشكثر  همها و  مصايبها و  يـسـمـعـها  تقله لا تعوفوني