أضف الموضوع
الشاعر السيد عبدالخالق المحّنه - 21/08/2011م - 8:17 م | عدد القراء: 98789
يـتـامـه يـا عـلـي بـاجـر يتامه...إذا ترحل عله الدنيه السلامه
يــوالــيــنــه ...تــخــلـيـنـه... جـرح بـيـنـه
قـمر ينزف دمه و يهتف فزت بيها...الصلاة رادت جرح راسك يصليها
شـفـت رمـشـك بده يرسم مآسيها...بني هاشم بديت أسمع بواجيها
إجـت زيـنـب يـبـو زينب دحاجيها...تقلك يا علي عد من تخليها
عـسـانـي لا شـفـت يـومـك عساني...يحيدر يفرح الفقدك زماني
يــأذيــنــه... تــخــلــيــنـه ...جـرح بـيـنـه
إجـت يمك جرح دامي تون سكته ...تقلك هاك إخذ روحي و تظل إنته
صـعـب يومك و لا بحسابي حاسبته...نده وينك يبو فاضل عهد ردته
حـجي عندي يبو الغيره و إجه وكته...لزم إيده و يخليها إعله إيد إخته
أمـانـه زيـنـب بـأيـدك أمـانـه ...يـظل عند يبو فاضل لوانه
تــوافــيــنــه ...تــخــلـيـنـه... جـرح بـيـنـه
عـهـد مـنـي لـخليها أنا إبعيني...يبو الحمله و أبد ما عوفن احسيني
يـزيـنـب كـل ألـم عـندج يأذيني...تره اليسره إلج فدوه فده إيميني
يـزيـنـب و الـوعد بالطف تشوفيني...و إذا عالمشرعه أوقع تعذريني
عـلـيـه إوداعـتـج خـدرج عـلـيه...و إعذريني إذا توقع إيديه
تــشــوفــيــنـه ...تـخـلـيـنـه... جـرح بـيـنـه
بـجه إبحسره و نظر نظره لبو الأكبر...شبح عينه و بده يعاين عله المنحر
إلـك بـالطف يضي عيني جرح أكبر...أشد من هامتي يبني و بعد أكثر
تظل وحدك و لا من هاشم اليحضر...رغم جرحك تظل عينك عله الخدر
أنـظـرك لـو طـحـت ضـامي أنظرك...يبويه آنه و الزهره نحضرك
تــبــجــيــنــه ...تـخـلـيـنـه... جـرح بـيـنـه
بـده إيـطـيل النظر و أحبابه متجمعه...أبو الأكبر إجه يمه و يهل دمعه
سـمـع زيـنـب تـنادي يمه يالبضعه...يجاوبها الحسن ونه و حنه ضلعه
و إبـو فـاضـل لزم زينب إجه إيودعه...عسنك لا فجر باجر بلا طلعه
مـصـيـبـه يـا عـلي فقدك مصيبه...تموت إنت يبو الحمله عجيبه
يــحــاديــنــه ...تــخــلـيـنـه... جـرح بـيـنـه
يـظـل أظلم بعد يا وسفه محرابك...تظل سوح الحرب عطشانه لحرابك
يـبو الرحمه تعال إنظر على بابك ...إلك أيتام إجت تسأل عله إصوابك
حـبيب إنت تعال و شاهد أحبابك ...و لا غيرك يصبرهم على إغيابك
يـبـونـه لا تـفـارقـنـه يـبـونـه...يتاماك و تره الوادم نسونه
يــحــامــيــنــه ...تـخـلـيـنـه... جـرح بـيـنـه
بـعـد عـيـنـك يظل منهو اليمر بينه...يناشدنه و يصبرنه و يواسينه
إذا جـار الـزمـن بـويه و قسه إعلينه ...نروح إلمن يحيدرنه دحاجينه
نـحـلـفـك يـا علي إبجمرة بواجينه ...يبويه إوياك إخذنه ولا تخلينه |
|
