صوت إمي صاح و علن ...أتقدم و أدخل  ميداني هـذي  وصية والحسن ...قبلك أستشهد  وصاني و أخـط إسـمـي ... بـحـبر دمي ...يا عمي عـساكر بالحرب وقفت و صوت التضحية  يردد و  أبـويـة الحسن واعدني يعمي و حان  هالموعد إجـيت و بيدي سيف الموت للحومه أريد  اقصد و أريـد أتقدم و لجلك أضحي و قبلك  أستشهد لـجـلك أريد أفتدي ... و يتخلد بإسمك عنواني و هـذا الحسن والدي ... قبلك أستشهد وصاني و أخـط إسـمـي ... بـحـبر دمي ...يا عمي عفت  العرس  و الحنه و ضميري اعله الحرب  قرر أريـد الـزفـة بـالـميدان و أتحنه ابدمه المنحر هدف عندي يبو السجاد أخوض و أدحر  العسكر و  أضـحي للهدف دمي مثل شبلك علي  الأكبر لـو  نـفّـدت مـطلبي ... تحقق غاية  وجداني و الـحسن سبط النبي ... قبلك أستشهد  وصاني و أخـط إسـمـي ... بـحـبر دمي ...يا عمي و  أبـو اليمه إنفجع قلبه و صاح ابدمعة الأحزان يـجاسم يبن أخويه اشلون أسلمك بيدي للعدوان و  أمـك مـا أظن ترضه تشوفك دامي  عالتربان و  طـنـهـا تنتظر جيتك يجاسم روح للصيوان لـن  جـاسم يجاوبه ... أرجع هيهات  الصيواني اشـلون  أرد و المجتبه ... قبلك أستشهد  وصاني و أخـط إسـمـي ... بـحـبر دمي ...يا عمي تـريـد أرجـع لـلمخيم يعمي ابيا وجه  أرجع و أمـي سـلمتني السيف و قالت للحرب  إطلع و قـالـت مـوعـدي وياك يبني ابخطة المصرع أريـد أنـظرك يوليدي صريع و جسمك  امقطع للموت و ثغري ابتسم ... خلها اشما تكثر عدواني صـوت أمي من الخيم ... قبلك أستشهد وصاني و أخـط إسـمـي ... بـحـبر دمي ...يا عمي جـثـث أنصارك السبعين صرعى اهناك  جدامي و شـبلك علي الأكبر ذاك طايح و الجسم  دامي كـل  هـذا و تريد ارجع و أرد يا عمي  لخيامي لا  وجـدانـي يـرضـاها و لا يقبلها  إسلامي يـا  عمي  حان الوعد ... خل اتحنه ابدم  شرياني ويّه الحسن عندي عهد ... قبلك أستشهد  وصاني و أخـط إسـمـي ... بـحـبر دمي ...يا عمي و اخـبـرك بـعد يا عمي تراني امدوهن و محتار أظـل  ابـكـربـلـه يـمك لو أتعنه  للمختار الـزهـرة تنتظرني اهناك و أبويّه الحسن و الكرار عـنـك مـن يـنشدوني أقلهم عفته بين  أشرار راح  أقـصـد الفاطمه ... و حيدر جدي  يتناني و الـحـسن بالملحمه ... قبلك أستشهد وصاني و أخـط إسـمـي ... بـحـبر دمي ...يا عمي ابـحـاله الطفل منها يشيب توادع جاسم و عمه شهر سيفه و نزع درعه و لبس فوق الصدر  عزمه و سـاعـه و لن عله التربان طاح امخضب  ابدمه و صاح ادركني يا عمي و عساكر حاطت  ابجسمه يـا  عمي حان الأجل ... الموعد يم جدك  تلقاني و  الـوالـد ابها الأمل ...قبلك أستشهد  وصاني و أخـط إسـمـي ... بـحـبر دمي ...يا عمي