عـيـنـي  لا تـسـهـرين... نامي  الليالي چا الـمـن تـبـاريـن... فـاجـده الغالي عـبـدالله چان وراح.. والـمـهـد خـالي وتـغـيـر ومـمـرود... مـن عگبه  حالي روحي... نوحي... آنه الرباب الفاجده وليدي چانـت  حـيـاتـي وياك... روضه  وضويه يـابـنـي بـظـلام الـلـيل.. عينك إتريه وبـوجـهـك  الـوضـاح... من تصد  ليّه شـمـس الـسـعد بالنور.... تشرگ  عليّه روحـي  نوحي... آنه الرباب الفاجده وليدي وبـنـاظـري مـطـبوع... يوليدي  رسمك وعـلـى الگلـب مكتوب ...يوليدي  إسمك وعـلـى  الثدي  مطشوش.. . يوليدي  دمك وبـمـسـمـعـي مناغاك... من ماتت أمك يـولـيـدي  شـلون انساك.. وتعبت برباك ولـو  يـبـنـي تـالي الليل... درن  ثداياك نـايـم وأگول تـعـود... وبـمهدك الگاك وإنـت  بـلـحـد مـدفون.. وتأكد  الفاك لـو  بـيـدي چنـت وياك... أنزل  بلحدك وخـوفـي تـبـات الليل... يوليدي وحدك وظـهـري الكسرته عليك... لو ردت  ثديك وبـيـدي  أكـف لـه رتـاغ ليغطي  خدك