فاض  بينه الشوق و إحنه  إنطوفك فـاض بينه الشوق و المدمع  يسيل نـدري بترابك دوه إيشافي  العليل جـنـه  نحلم من بعد غربه  نجيك من  رجعنه  إشلون جيه جينه  ليك جـنه  نقره إزيارتك بس  بالكتاب و إنـدعينه و ربنه للحق فتح  باب مـا  نزل  عن دربك إشما حاربوك تـعـبـتـهم سيدي و ما تعبوك إشـما قست ويانه مولاي الظروف و حق صبرك ما يمر بالشيعه  خوف إحـنـه عـاهدناك عهد  الأوفياء عـلـمـتنه اعله المواقف  كربلاء إتـحـزمـينا ابغيرتك يبن  البتول لا  و حـق صدر التهشم  بالخيول

جـيـنـه  يمك يالجواد  إضيوفك و  إحنه  زوارك يبن حامي  الدخيل ابـكل قلب طاهر كتبنه  إحروفك سيدي  و مثل القطه إنحومي عليك و  بـعد أحباب و إجينه  إنشوفك و  جرعتنه  الغربه كاسات  العذاب و  بـعـد سابع مستحيل إنعوفك و  إحنه  نبقه أتباعك و شيعة  أبوك وبـشـرف عشنه العمر  بطيوفك ابقبر موسى الكاظم و قبرك نطوف و  إحـنه  ما ننسه فضل  معروفك نرخص  الأرواح و إنضحي  الدماء و  إرتـويـنه الغيره من  إجفوفك و  نبقى طول الدهر شيعتكم نقول إنـصيح  جرح الدنيا يمتى  إنروفك