أضف الموضوع
الشاعر السيد سعيد الصافي الرميثي - 15/01/2010م - 11:27 ص | عدد القراء: 6670
الـهـدمـوا قبر ابو محمد ظنو تنمحي آثاره
طـول الـزمـن مـا يدرون ظلت تشع أنواره
آثـار الـكـرم و الـجود كل ظنهم يضعوها
أنـوار الـجـلالـه اشلون أهل الحقد يطفوها
و أسـرار الـبـغـض رادوا عن الخلق يخفوها
لابد حوبت المظلوم .... تفضح كل حقد مهموم
و عــن دفــن الـحـسـن لـلـيـوم
يـبـجـي مـن دمـه التاريخ لمن ينقل أخباره
أسـرار الـخـبـاثـه انريد للمجتمع نكشفها
و كـل مـسـلم عليه واجب يتطلع و يعرفها
اشـقـالـت عايشه وشجان من الحسن موقفها
جانت تدعي ابعثمان .... و مو هذا هدفها الجان
تــبــغــض حــامـي الـجـيـران
و تـنـور الـفـتـن بغضن لمن وجرت ناره
الـتـشـييع الحسن طلعت حجة حقد تعترضه
و كـل حاقد و كل مجرم ضد آل النبي اتحرضه
و هـذا الـراي عـالأمه رادت عايشه اتفرضه
لمن طلعت اشعدها .... و شنهي الجان مقصدها
اتــواصــل نــهــج والــدهــا
تـعـرف قـدر أبـو مـحمد و تتنكر الغداره
الـمـا حـبـه إجت اتصيح أريدنكم تبعدونه
و يـم جـده رسـول الله مـا أقـبل تدفنونه
و بـسـهـام الحقد صاحت أريد بساع ترمونه
يـا الـغايتي اتعرفوها .... حرب البغض شنوها
و الــجــثــتــه صــوبــوهـا
و أريـدن كـل سـهم منكم تشفي قلبي آثاره
و عـن دفـن الـحسن لمن هذا الموقف انذكره
عـبـاس الـشـهم لمن سل سيفه و نفذ صبره
و احـسـيـن اعـتنى لكن قلبه اختنق بالعبره
يـقله يا راعي الجود .... خويه يوم الك معهود
تــحــمــل رايــتــك و الـجـود
و الـصـوب الـنهر لمن يوم الطف تشن غاره |
|
