دهـري  حنه  اضلوعي .... و ما نشفت  ادموعي صوتي  اعتله من كربله .... من كربله صوتي  اعتله زيـن  الـعـابـديـن آنـه ابويه المنذبح  ضامي و  مـن  تـنشدني عن حالي تهيج جرحي و آلامي اجـروحـي لا جرح و اثنين تنزف و القلب  دامي رمـتـنـي  النايبه ابجبدي و بالطف جارت  أيامي صـبـري  مرد روحي .... و ما طابت  اجروحي مـسـتأصله  من كربله .... من كربله  مستأصله عـن  يـا جـرح تـنشدني و عن يا محنه يا  لوعه عـن  مذبح  ابويه احسين لو عن سحقت  اضلوعه آنـه  الـلـي شفت عباس عمي اجفوفه  مقطوعه و شـفـت الأكـبر امطبر و جاسم طفوا  اشموعه لا لا تـلـومـونـي .... لـو هـلـت اعيوني اتـظل  سايله من كربله.... من كربله إتظل  سايله شـجـاوب آنـه هـالـحاير يالرايد خبر  تسمع مـذابـح شـفـت بـعيوني من شبان من  رضع ابـويـه  و  سـهم لبجبده من ظهره صبح مطلع اشـلـون ايـلطع المثلث جبده اويه السهم  يطلع يـصـهـل  رجـع مهره .... امخضب ابدم  نحره هـالـمـعضله من كربله .... من كربله هالمعضله عـلـيـنـه  حرقوا  اخيمنه و نار الفاجعه تلهب و  أشـوف  اخـيامي تتوقد مثل جمرة قلب  زينب الـعـماتي  و  خواتي انظر خدرهن أصبح  امسلب سـلب  و رعب خيل و نار و اعدانه غدت  تنهب عـالـنـاقـه  ركـبوني .... اويه الحرم  جتفوني شـفت  البله من كربله.... من كربله شفت  البله أخـذنـه روس أهـالـينه و ظلت عالثره  أجسام و فـوق ارمـاح نـصـبوها آه يا عملت  الظلام وصـلـنه الديرة الكوفه و نظرات الشماته  اسهام و تـتـصـدق علينه الناس اشلون اندارت  الأيام آنـه عـلـي الـسجاد .... أدخل عله ابن  ازياد اويـه  الـعـايله من كربله من كربله اويه  العايله رجـعـت امن اليسر للطف و درب النايبه  اقطعته ابـويـه  آنـه احفرت قبره و بيدي ابلحده  نزلته و  طـلعت  السهم بيدي اعله صدره طفله وسدته اعله صدري الأكبر احضنته امقطع جسمه و  ادفنته مـتـعـفـره  الأبـدان .... لا غسل لا  أكفان ابداري الفله من كربله .... من كربله ابداري الفله امن الكوفه رحت للشام و شفت الشام عدهم  عيد آنـه و عـمـتـي زيـنـب مـجتوفين ايد بأيد الـصـوت ايـوسم ابمتني و دمي ايسيل من الجيد مـاولـدتـنـي  ريت أمي أسير و لا يراني  ايزيد و  زيـنـب عـقب عباس .... تنظر عليها  الناس مـتـوجـلـه  من كربله.... من كربله  متوجله سـنـي ما ضحك فد يوم عقب الأهل و  الأنصار و ظـلـت عـلـتي ابقلبي و أطفي نار قلبي  ابنار الـفواطم  ما  عليهن ظل و لا هن قعدن ابظل  دار لـمـن آخـذ ثـار احـسين منهم عمي  المختار و الـمـرتـضـه لازمـني .... و الأجل  داهمني قـلبي  انسله من كربله .... من كربله قلبي  انسله