1ـ  چفـوفـي الـدهـر گيـدها  وغالي 2ـ  أو  ضـمـيـري تـستعر ناره وغالي 3ـ  گبـل چان الـدمـع نـاشف  وغالي 4ـ رخـصـت الـدمـع من غصبن  عليه 1ـ  جـره دمعـي على الخديـن  ونهـال 2ـ  عسن وادي الطفـوف انرجن  ونهـال 3ـ عليـل ابيـا سبـب انسبـي  ونهـال 4ـ واعـوف اهلي جثث فـوگ الوطيـه 1 ـ جَـرِحْ عـاشـورْ مـا يِبْـرَه  يَنادي 2  ـ أخَـذْ روحـي اِو مُرَدْ چَبدي  يَنادي 3  ـ شِـبْـلِ حْـسَينْ عَـالنـاگه  يِنادي 4  ـ يَـجَـدّي گومْ حِـلْ اِچتافِ  اِدَيَّـه 1  ـ  عَـبْيطْ اِيْكِتْ دَمِـعْ عَـيني  وَيَنْجارْ 2 ـ عَـلَـه الْمَكْتوبْ بَرْضِ الطَفْ  وَيَنْجارْ 3 ـ عَـلْي الـسَجّـادْ يِتْگَـيَّدْ  وَيَنْجـارْ 4  ـ عَـلَه الناگَه و جِذَبْ حَسْرَه  شِجِيَّـه 1  ـ شَـهِـمْ ما حِصَلْ مِن هَالْگومْ  يَنْگادْ 2  ـ و لا مِـنـهم نُـبَضْ بِالشَرَفْ  يَنْگادْ 3 ـ اِلْـمِـثْـلي ايْصيرْ فوگِ الْهِزِلْ  يَنْگادْ 4  ـ اِبْـسَـلاسِلْ وِالْدِمَه يْسيلِ مْنِ  ادَيَّـه نـاشـدت  الـقـلـب يـا قلب  شبلاك لـن جـمـر الـقـلـب يـحسين شبلاك عـلـيـل و عـلـه إنـياق اليسر شبلاك طـلـع مـجـتـوف بـيـن أجلاف أميه إنـحـجـب وجـه الـقـمر ضيه و ناراه و  عـلـيـلـك بـالـيسر يمشي و  ناراه حـال إبـنـك مـثـل حـالـك و  ناره مــثــل  نـارك  ابـدلالـه سـريـه أنـا كـظـيـم و لعد سيف الصبر  سليت و جـم طـفـلـه و طـفل باليسر  سليت عـلـيـل  و مـن مـرار الـدهر  سليت و بـعـد مـا تـرهـم الـوصـفات اليه