يـا  الـقـاصـد  لـلحرب ..... يا سباح  القلب يـبـنـي و عـقـب الـربـه ..... أتحنه  امحسبه يــا       ســبــاح       الــقــلــب يـا بـدر بـالـوصـف كامل تظلم أيامي  ابغيابك لـلـحـرب  رايـح يجاسم و بعدك ابزهرة  شبابك قـلـي هـالـلـيـله زفافك يبني لو ليلة  مصابك لـلعرس  نصبوا حوفتك..... جا ليش لابس  لامتك و للحرب رايد زفتك ..... اشرايك و شنهي جوابك إلـمـن أعـلـق شـمـع ..... ما طول أهمل دمع و لـلـنـوح امـعـصـبـه ..... أتـحنه امحسبه يــا       ســبــاح       الــقــلــب الـوالـده يـبـنـي الـتربي ساعه ما يطبق  جفنها تـتـعـب و نـاتـج تـعـبـها تنتظر يكبر  إبنها تـفـرح اويـاه ابـفـرحـها و تحزن اوياه  ابحزنها يـولـيـدي  و  التالي العمر ..... لمن يوافيها  الكبر جـذامـهـا اتـطب للقبر ..... و انته لتولم  جفنها يـبـنـي  و جـان الأمـل ..... لو وافاني الأجل تـجـفـيـنـي اتـزهـبـه ..... أتـحنه امحسبه يــا       ســبــاح       الــقــلــب مـهـدك الـمـا عفته ساعه هوه شاهد عن  حنيني لا  نـهـاري الـبـيه أهود و لا ابليلي التغفه  عيني و ابـلـيـالـي ارباك تدري اتلفت يا جاسم اسنيني و  اربـاك حـيـلي غيره ..... يوليدي من  اتذكره اتـنام انته و آنه امساهره ..... و حصتي منك  ونيني رك اعـيـونـي الـسهر ..... وني ايذوب  الصخر قـلـبـي الـون عـذبـه ..... أتـحـنه امحسبه يــا       ســبــاح       الــقــلــب يـبـنـي مـا مـر اعـلـه بالي هالخبر هذا اللفاني ابـلـيـلـة الـزفـه يـجاسم بيك يفجعني زماني و  قـلـت يـا سـلوة حياتي تذكر ارباي و  حناني مـن اسمعت هذا الخبر ..... حيلي انهدم قلبي  انكسر يـولـيدي صوبني الدهر ..... و بسهم غدره  رماني جـاسـم  يـبـن الـحسن ..... غادر هذا الزمن جـبـد أمـك صـوبـه ..... أتـحـنـه امحسبه يــا       ســبــاح       الــقــلــب و  جـاسـم الـيـسمع عتبها و ينظر الدمعة  بجاها و  شـيـجـاوب و شـيقلها والده و تطلب  رباها ايـريـد  مـن عدها الموادع و بالحرب رايد  رضاها نـاده ابـألـم يـا والده ..... عمي غريب الوحده و اعـلـيـه ملتمه العده ..... و هالخبر هذا  حناها يـبـني  اشلون  أعترض ..... و نصرة عمك  فرض راح  أبـقـه امـدولـبـه ..... أتـحـنه  امحسبه يــا       ســبــاح       الــقــلــب اتـقـلـه  يـولـيـدي  عزيز اتروح تالي من  اديه لـجـن يـجـسـام أقـدمك المهجة الهادي  هديه و بـالـحـشـر أعـتـني يبني ابوجه أبيض للزجيه جـاسـم  يـراعي  الغانمه ..... لمن تشوفك  فاطمه مـتـخضب  ابفيض الدمه ..... ترضه يوليدي عليه و الـوالـد لـو نـشـد ..... وفـيت آنه  العهد و اتـحـقـق مـطـلـبـه ..... أتـحنه  امحسبه يــا       ســبــاح       الــقــلــب