مـــا أدري أعـلـگ شمعتك لـــو أجــري دمـعـة عـيـنـي
بـيـــن الـشـمـع بـيـــــن الـدمــع
محتاره ظليت يبني محتاره ظليت
* * *
يـبـنـي الـتـسـرنـي شـوفتك يــا ضــوه عـيـون الـربـتك
چـنـت احـسـب سنين العمر وانـتـظــر سـاعــة زفـتـــك
حــانت السـاعـه وشـاهدت بالـخـيـمـه نـصـبـوا حوفتك
وانتـــه البست ثوب الچفن نـــاوي تــروح لحــومـتــك
يـوليــدي چـاويـن العــرس ويــــن انـتـــظـار اسـنـيـني
اشـــراح انـتظر تــــــاه الفــكــر
محتاره ظليت يبني محتاره ظليت
* * *
صــارت يجــاسـم حـيــرتي بــيـن الـمـصـيـبه وفـرحتي
اشــرايـح يـراويـنـي الدهر واشــراح اشـوف ابـدنـيـتي
مــا أدري افـرح وابـتـشــر لــــو راح اجــابــه مـحـنتي
چـــم حـسـبـه يبني ابكربله صــــارت تـدور ابـفـكــرتي
يـا صــوره بـالـطف تنرسم يـبــــن الـحــسـن حـاچـيني
ويـــن اتــجــــه وانـطــي الوجه
محتاره ظليت يبني محتاره ظليت
فــرحـــة زفـافــك بـالـگـلب ومـن عيـني دمـعاتي تصب
افـــرح واشـوفــن حـوفـتك للـخـــيـمـه يـبــني من أطب
وللحــــومه لمـــن التـفـــت الگه العســـاكر بـــالحــرب
يـوليــــدي وانــه امـدوهنه بـيــن الفـــرح بـيـن الرعب
حســـبـه تفـــرح خـاطــري وحســبــه ابسـهـم تـرميني
مـــن كـربـلــــه اشــمـتــأمــلـــه
محتاره ظليت يبني محتاره ظليت
* * *
يـبـنــي وبـگـيــت امحسـبه بـيـــن الأمــــل والـنـايـبـــه
لا روحـــي تشــعـر بالفرح لا بــالـحــــــزن مـتـعـــذبـه
حســبـه تـجـيـنـي ابفرحتي راح اجــنـــي اتـعـاب الربه
وحسـبـه تـجـيـنـي انـظـرك جـثـــه ابـدمـاهــا امخضـبه
يـبـنــي وبـعـــد ويـن الفكر يـاخــذنــي وايـــودّيــــنـــي
وبــــهــالأمــــل چـــم دوب اظـل
محتاره ظليت يبني محتاره ظليت
* * *
گـــلـبـي عـلـم يـبـن الحسن هالـگـلـب مـا يخطـي أظـن
فــرحـــة زفــافــك فـاجــعه وثوب العـرس يصبح چفن
وانظــــر چفــــوفـك يولدي ابــدم النحــــر يـتـخـضـبـن
انـتـــه يــبـاريـك الأجــــــل وآنـــه تـبــاريـنــي المــحن
ودعـــنــي يـبـنـي لـو ردت بالصـبــــر لا تـــوصـيـنــي
مـــا ظــل صـبر مـــن هـالأمـــر
محتاره ظليت يبني محتاره ظليت
* * *
هـالـحـال عـيـنـي اتشـاهده اخيــــول وزلــم متـحـشــده
وعمــــك وحــيـد ابـغـربـته ومحتـــار مــا بـيــن العــده
غـيـرت فكري اعله الصبر وگتـــلـك لعـمَّــي ســــانــده
خــلـيــنــي أنـظـر جـثـتـــك فــــوگ التـــرب متـوســده
وليـلـه ام علي الاكبر اجت بمــصيـبــتي اتـواسـيـــنــي
إلــــمـــــن أون وابــدي الحــزن
محتاره ظليت يبني محتاره ظليت
* * *
للحــومــه يـبـني من رحت ابـــدم الشـهـاده اتـوشـحت
شـفـتك صـريع اعله الترب وگبالـــي يـا جاسـم طـحـت
من عيني ســالـت دمـعـتـي يـبـنـي وعـلـى فراگك نحت
وآخــــر فـجـيـعـه مـن بدت نـاديـتـك بـصـوتي وصحت
عگـــبـك يـجـــــسّام الـعـده ويــه الـحــــرم تســبـيــنـي
تــــالــي الـعـمر أمـشـي ابـيـسر
محتاره ظليت يبني محتاره ظليت
* * *
