مـحـلـه الـوداع اليـوم ** اتودعنـه يـا  مظلـوم هـالـلـيـلــه   آخــــــر   لـيــلــه يـبـن  أمـي صـورة فاجعه ** انرسمت ابدمعة  عينـي واتـواصـلـت حـالة حزن ** بين الطفـوف  وبينـي خـلـيـني  آنـه وكربلـه ** ابهـذا الأمـر  خلينـي بـاصـرنـي  عـن هالعايلـه ** يحسيـن  شتوصينـي يـا فـرحـة الـمـهـمـوم ** گوم لخـواتـك گوم وصـيــنــي   بــأمـــر   الـعـيــلــه يـبـن  أمـي عـندك عايلـه ** تعلـم يخويـه  اشبيها مـجـمـوعـه بحدود الخيم ** كل حـرّه عـد  واليها لـو  ودعـتـهـا ابغيبتـك ** هالدنيـه  شتراويـهـا الـدنـيـه  واميه وكربله ** وجـور الزمـان  اعليهـا هـذا الأمـر مـحـتـوم ** وأعلـه الحـرم مقسـوم ابــدمـــع الـجــفــن  تـسـجـيـلــه يـبـن أمـي جـمـرة نايبه ** بعيـن الحرايـر تظهـر كـل  وحـده يـم والي اعتنت ** اتودعه بگلبها  اليسعر أول  وداع الـلـي حصـل ** ليلـه وإبنهـا  الأكبـر صـاحـب  يـا لأكبر بالهضم ** چبدي انصدع  واتفطر تـشـاهـد  ولدها ايحوم ** موقـف حـزن  مرسـوم ايـــــودع  الأكـــبـــر  لــيــلــه وشـاهـدت جـاسم بالخيم ** رمله الغريبـه  اتودعـه واتگلـه  يـا  جاسم أخذ ** روحـي لزفافـك  شمعـه هـالـشـمعه لمن تنطفي ** تضـوي بلهيـب  الدمعـه مـن أرفـع أصـوات الـعتب ** ما أظن صوتي  اتسمعه آيـبـنـي يـا مـحـروم ** جمـر الگلـب مضـروم أخـــــذ الگلـــــب واحچيـــلـــه ثـالـث  وداع اللي حصل ** بيـن الگمـر  وسكينـه تـنـظر  لعمها  وتنتحـب ** واتگلـه وعـدك  وينـه نـوبـه  تـشـمـه بهامتـه ** ونوبـه تشمـه بعينـه ونـوبـه  تهـل دمـع الجفـن ** وتشوبـح  الچفينـه طـفـلـه ابگلب مهضـوم ** بيـن العتـب  واللـوم لـعـمـهــا  الگمـــــر  تــشچيــلــه وأم الـطـفل يـم الطفـل ** گعـدت تهـل  العبـره اهـلال  وتـشـعشع بالمهد ** وجه الرضيـع  اتنظـره مـحـنـيـه يمـه وشمتـه ** وگامـت تقبّـل  نحـره واتگلّـه بـاچر هـالنحـر ** سهـم الغـدر  ينتظـره لـو  صـابتك  هـالگوم ** يوليـدي حزنـي ايـدوم دمـــــع الــــــوداع  اتـسـيــلــه يـحـسـيـن وآنه بهالوضع ** صوت الأجل أوحالـي صـورة  حـزن  عـن مـصرعك ** كل ساعه تتراوالي هـالـيوم  اشوفك  بالخيم ** وجهـك ينـور  اگبالـي بـاچر  أشـاهد  جثتـك ** فـوگ التـرب يالوالـي ألگه  الـصـدر مـهشوم ** والنحـر يجـري  أدمـوم وعـيــنــي   ابــحـــزن    تـربـيـلــه