أضف الموضوع
الشاعر علي السقاي - 17/12/2009م - 5:53 ص | عدد القراء: 2345
يـحـسـيـن ابـحـبك نتطبر و اتعاتبنه الناس
و هـاي الـفتوه الزينب ترجع من ضربة الراس
نـتطبر و ابدمنه انجود....و المحملها الفتوه اتعود
مــن ضــربــة الــراس
حــيــدر حـيـدر حـيـدر حـيـدر
*
زيـنـب شـافـت مـن محملها راسك يمظلوم
لـن تـصـدر فـتـوة هالطبره إلنه إبحبر إدموم
فتوه و مصدرها موجود....و المحملها الفتوه اتعود
مــن ضــربــة الــراس
خـل كـل الـنـاس اتعاتبنه و اللي ايلوم ايلوم
مـثـل الـحره انواسي ابدمنه و يشهد أفجع يوم
و نرفع هالقامات اشهود....و المحملها الفتوه اتعود
مــن ضــربــة الــراس
أكـفـان الـبـيـض إلبسناها و إمجان التطبير
و إخـتـك تحدي ابهذا الموكب حين انريد انسير
زينب تحدينه إبكل زود....و المحملها الفتوه اتعود
مــن ضــربــة الــراس
لا مـنـغـيـر هـذا الـمبدأ مبدأ حق و إيمان
و الـلـي يعارض يحسين إختك ما يملك وجدان
مـبدأنه ابزينب مسنود....و المحملها الفتوه اتعود
مــن ضــربــة الــراس |
|
