أضف الموضوع
الشاعر هيثم سعّودي الكربلائي - 17/12/2009م - 5:26 ص | عدد القراء: 4576
بـالـنـحيب والبكاء ..... ردّدوا هذا النداء
السلام‌ُ علي الحسين ..... وعلى مقطوع اليدين
ردّدوا هــذا الــنــداء
مـن گلـب شاجر لهيبه اجري دمعك يالموالي
واذكـر حـسـين وضريحه وبمثل هاي الليالي
وخـلّـي گلبك يعتنيله ويگصد الحضره التلالي
ومـن تـصل بيبانه سلّم واهتف بصوتك يغالي
سـيّدي يابن العظام ..... هاك‌َ خُذ مِنّا السلام
السلام‌ُ علي الحسين ..... وعلى' مقطوع اليدين
ردّدوا هــذا الــنــداء
خـلّي گلبك يعتنيله ومن تطب للحضره حافي
اغـسـل بدمعك ضريحه واعتب بدلاّل صافي
گلّـه يـل ضـامي اجيتك واليحب خِلّه يوافي
امـن الـبعد جينه نزورك كافي بُعدك هذا كافي
جـسمي اءن كان بعيد ..... قلبي يدعو ويُعيد
السلام‌ُ علي الحسين ..... وعلى' مقطوع اليدين
ردّدوا هــذا الــنــداء
عـل بـعـد گلّـه اجيتك معتنيك بهل زياره
والـمـحـب حاير دليله سيّدي وطال انتظاره
تـاره يـحـسبلك سِنينه وللاجل يحسبها تاره
وكـل خـميس ايمرّ علينه نذرف ادموع المراره
سـيّدي كل‌ّ خميس ..... يهتف‌ُ الدمع‌ُ الحبيس
السلام‌ُ علي الحسين ..... وعلى' مقطوع اليدين
ردّدوا هــذا الــنــداء
صـلّـي يم مرقد اءمامك وادعي والدعوه مجابه
واگصد القائد جيوشه ومرّ عله انصاره وصحابه
ولـلمجاب ادّعي التحيّه وامسح ادموع العتابه
وودّع الضامي بطوافك واخفض الهامه اعله بابه
عند توديع الذبيح ..... قف وقل عند الضريح
السلام‌ُ علي الحسين ..... وعلى' مقطوع اليدين
ردّدوا هــذا الــنــداء
واگصـد الـحـامـل لوائه كافل الحرّه العقيله
وسـلّـم وادّي الـتحيه وبگلب صافي اعتنيله
والـزمـه الـشباچه هزّه وفرّغ اهموم الثجيله
ولا تـعـاتـبله بلسانك خلّي دمعك يشتچيله
حـينما الدمع يسيل ..... حي‌ِّ مولاك الكفيل
السلام‌ُ علي الحسين ..... وعلى' مقطوع اليدين
ردّدوا هــذا الــنــداء
حَـيّـي حمّاي الضعينه وگلّه يل گصّوا چفوفك
احـنه عل موعد اجينه الليله واحسبنه ضيوفك
يـا گمر لتظن نسينه شخصك وحاشه نعوفك
كـل گمر من يزهي ضيّه انشاهده چَنّه نشوفك
نـنـظـر الـبدرَ المنير ..... وبنا الشوِ يطير
السلام‌ُ علي الحسين ..... وعلى' مقطوع اليدين
ردّدوا هــذا الــنــداء
ولو زرت حامي الضعينه وفرّغت گلبك من الهم
اذكـر الـعـرّيس جاسم واتّجه صوب المخيّم
بـهـل خـيـام الحرّه نادت ياهلي بيتي تهدّم
اهـنـانـه عرّيس الهواشم خضّبوا چفّينه بالدم
هاهنا العرّيس طاح ..... وبنفس‌ِ الصوت‌ِ صاح
السلام‌ُ علي الحسين ..... وعلى مقطوع اليدين
ردّدوا هــذا الــنــداء |
|
