لالا تـنـصـحـونـي....يـا نـاس إسمعوني أنـا الـحـسـيـنُ إبنُ علي....آليتُ ألا أنثني واجـب تـنـصـرونـي....يـا ناس  إسمعوني تـاريـخ  هـذا و ينكتب يا لائمي كف  لومك و  حـسـين إبن بنت النبي مستغني عن اعلومك مـسـتقبلك  موقف حزم تتخذه من  مرسومك مـيـجـوز  تجميد الفكر و اتعيش بس اليومك الـواجـب  تـعـرفـونه....الأرزاق مضمونه يـا مـن بـدنياهُ إنشغل....قد غرهُ طولُ  الأمل إنـجـان عـفـتـونـي....يـا ناس  إسمعوني إسـمـعـني زين إبن عمر و إسمعني يا بن  عباس و يـا إبـن الـزبير الموقفك مهزوم ما بين  الناس يـا خـويـه يـمحمد تظن ضايع عليه  المقياس آنـه امـعـاهـد خالقي كلي مروه و  إحساس عـيـشـوا  مـعـانـاتي....و دقت  حساباتي أحـمـي عـيالات أبي....أمضي على دين النبي فـكـروا ابـمـضـمـوني....يا ناس إسمعوني هـذي  مـشيئة  خالقي و دستوره إلنه  اموضح و  جـدي رؤوف بـأمـته و يريد إلها  الأصلح و آنه على صلح الحسن ما خذت عهده و ميصح هـالـيـوم  أسكت عالظلم و ايزيد بيه  يتبجح الـبـاطـل تـأيـدونـه....و الـحق تخذلونه قـولـوا  لـنهج الظلم لا....إني أرى في  كربلا ضـامـي يـذبـحـونـي....يـا ناس إسمعوني مـحـمـد يـخـويـه تعتقد لليمن لو سدرنه الإغـتـيـال  الـعـسكري  لهناك ما  يلحكَنه صـدق  ابـيـت  الله لـون طـبينه و  اتحصنه يـهـدم الـكـعـبـه قاتلي يذبحكم و  يذبحنه يـا خـويـه تـدريـنـي....خايف على ديني هـل  تـعـرفون قاتلي....الغرُ الحقود  الجاهلي حـتـمـاً  يـقـتـلـوني....يا  ناس إسمعوني صـاح  إبـن عـباس القتل إلكم كرامه و عاده و جـدك مـحـمـد بالحرب يتنومس بأجداده و  إنـجـان تـدري ابسفرتك يبلغ يزيد  امراده لاويـن رايـح بـالـحـرم عالضيم مو  معتاده مـتـخـاف  يـولـوهـا....و عقب  يذلوها لا  بـد أن تسبى النسا ....و ينبري ركب  الأسا لـلـي  يـظـلـمـونـي....يا ناس  إسمعوني و اتـوجـه إبـن الـمرتضه التوديع جده الهادي و  الـنـاس ضجه واحده تنحب و بإسمه  اتنادي خـلـونـي أسأل يا خلق يهل الحضر و  البادي شـيـفيد  حسين  الأسف و الظلم يملي  الوادي لا لا تـخـذلـونـي .... بـالـغـالي إفدوني أنـا الـولـي إبن الولي....و النصر بالنص جلي عـالـطـاغـي  عـيـنوني....يا ناس إسمعوني و لـلـبـيت رد سبط النبي ايهيئ إعياله  الموقفه و  الـنصرت  أهداف الشرع هبن بنات  المصطفه أم هـانـي عـمته تنتحب و اتودعه ابدمع الوفه أم سـلمه اتصيح اولدي لاوين ماشي ابها  الصفه قـلـهـم تـودعـونـي....يا هلي و تندبوني و حـسـرتـي لفاطمه ....منها الدموعُ  ساجمه ويـاكـم إخـذونـي....يـا نـاس إسـمعوني صـاحـت  عـسنها  راشده النيه يعود  اسكينه آنـه  الـعـلـيـله  اعزيزتك لتروح و  اتخلينه انـت  الـذخـر و انت الضمد يحسين يا  والينه و آنـه و أم هـاني و أم سلم يا هو الذي يبارينه ضـم فـاطـمـه الـصدره ....تتهامل  العبره كـلٌ يـؤدي دورهُ....و الـديـن يجلي  نصرهُ إعـيـالـي يـحـفـظـوني....يا ناس إسمعوني