الـلـيـلـه  زيـنـب.....  عـجـنـت الحنه عـريـس  جـاسـم  حـوفته.... الليله نصبوهه **** رمـلـه بخدرها مهلهله ومسروره...... بزفة ولدها مـن  تـنـظر لجاسم يهلهل نوره.... يفرح چبدها شگر الـذوايب عالمتن منشوره.... چوچب  سعدها رمــلـه تـتـهـنـه.... بـنـور  الـمچنـه وشـمـعـة شـبـابـه بـحـوفته الليله علگوها ------ أگبـل لعمه شبل من هاشم شاب..... ما بلغ حلمه يـتـبختر  بين إخوته والأصحاب.... بهمته  وعزمه لـلحرب ينزل دون ابن داحي الباب.... ثابت  الهمه نــادى  يــاعـمـي.... مـا يـعـز  دمـي وأهـل الـمچارم لـلـمچارم مـا يـعـيـفوها ------ عـريـس جاسم وإخوته يزفونه ..... چالبدر  يزهر وحـسـيـن راد بعرس نور عيونه..... دلاله  يستر وجاسم  گضه وظل بالگلب چانونه.... نيرانه  تسعر يـالـوسـف  جـاسـم....  عـالـتـرب  نايم بچتـلـة شـبـاب الـغـانـمـه رمله  فجعوها ------ بـجاسم غدر سهم الگدر وگصوره..... بالدم تحنه ورمله افگدت عزها وبگت مكسوره... تجذب الونه مـتچدره  ومـتحيره  ومجموره ...... بفگد المچنه صـاحـت يـاهـاشـم..... مـن عگب جاسم الـمـن تـعـلگون الـشـمـع مـاتـطـفوها ------ بـصوت الحزن رمله تحن وتنادي..... يبني  افجعتني يـاسـلـوتـي وياضيعتي بهالوادي.....  يالضيعتني يـاجـبـرتي ويامهجتي البفـّادي.... ليش إتركتني يـاضـوه عـيـونـي.... بـيـك  إفـجـعوني مـن يـحـضـر أمـك لـلـيـسـرمن يمشوها ------ بـرباك  يبني  ذاب شحم عيوني...... وردتك مچنه مـاچان ظـنـي بكربله يفجعوني.... واگطع الظنه وشـعـتبرعگبك  يبني  لو نشدوني.... وليدچ  تحنه لــلـيـفـجـدونـك...   والـيـدورونـك شـتـعـتـبـر أمـك يـولـيدي من  ينشدوها ----- ظـنـيـت يـولـيدي تهيل ترابي.... وتحزن  عليّه مـاچان وادي كـربـله بحسابي..... وهاي  الرزيه يـاحـسـرتـي  يـاكسرتي بمصابي....  بالغاضريه سـاعـه وسـبـونـي..... مـن  يـمـشـوني جـثـتـك  تـظـل عـلـى الثرى وما  يدفنوها