نار گلبي مسعره وحايره اليوم.... عيني ظلت ساهره وناكره النوم سـهـم  فگدك يـاولـيدي عاميني.... مادريت بكربله  ترميني حــايــره  الــيــوم.... وگلــبــي  مــالـوم *** وجـهـت لـحـسـيـن رمـلـه والگلـب من عدها  هايم تگلـه يـاعـيـونـي ارد انـشـدك ويـن نجل الحسن جاسم نـصـبـت  الـصـيـوان  عـمـته وفرحت لعرسه الفواطم يـحـسـيـن هـذي حـوفـتـه... وشـموع عرسه وحنته مـنـتـظـره آنـه لـجـيـتـه... بـس يكون وليدي سالم هــذي حــنــتـه والـشـمـع والـدمـع هـمّـال وانــحــنــى مـنـي الـظـلـع وتـغـيـر الـحـال ويـن نـايـم يـاكـتـر دلـيـني.... مادريت بكربله ترميني حــايــره الــيــوم.... گلــبــي مــالــوم ------ ريـت يـابـنـي الـحـسـن يـحـضـر زفـتك بالغاضريه يـفـرح بـعـرسـك وبـيـده شـمـع يـعـلگ هالمسيه ويـنـظـر  لـحـالـة شـبـابـك يـا وديـع الـغاضريه يـاريـت  يـاولـيـدي حـضر..... والدك ويشوف اشسدر بـيـك وعـمـى عـيـونـه السهر..... حايره واصفچ  بديه ريــت  يــحـضـر والـدك يـاولـيـدي  ويـشـوف وإنــت  مــن دم رگبــتــك حـنـيـت الچفـوف يـاولـيـدي  بـهـالحاله لا تخليني.....مادريت بكربله  ترميني حــايــره الــيــوم.... گلــبــي مــالــوم ----- تـحـمـلـت آلام يـابـنـي وبـيـك وإنـت طفل  بعدك وتـعـبـت وسـهـرت لـيـلـي واحسبت له سنين  عمرك ذخـر ضـحـيـتـك يـجـاسـم ولـمـشيب العمر ردتك ظـنـيـت  تـسـعـد مـهـجـتـي..... وترد عليه  لهفتي بـالـغـرب  تـسـمـع نـخوتي.... وبالشدايد ردت اندبك خــيــب  آمــالــي الـدهـر بـيـك الأمـل چان والله دلالــي إنــفــطــر ومــوادع الــحــال ردت مـن حگ الـربـه تـوافيني..... ما دريت بكربله ترميني حــايــره  الــيــوم ..... گلــبــي مــالـوم ----- يـاثـمـر گلـبـي يـجـاسـم بـيـك أنـا زرعت الأماني ومـلـكـت روحـي ومـهـجـتـي واصبحت زهرة زماني وبـالـسـعـاده  گضـيـت  عـمري وياك ورضعتك  حناني لـيـش الـمـنـايـه خـطـفـتك..... حرمتني لذة  زفتك عـزّت عـلـيـه شـوفـتـك..... آه مـن دهـري  رمان يــمــه  وافــاك الأجــل يــا ســلـوة  الـروح وانگطــع حــبــل الــوصـل والگلـب مـجـروح شـنـهـو ذنـبـي يادهر سابيني...... مادريت بكربله  ترميني حــايــره الــيــوم.... گلــبــي مــالــوم ----- هـيـجـت يـاولـيـدي حـزنـي من طحت فوگ  الوطيه ويـن أديـر الـعـيـن ولـمـن أشـتـكـي بـهاي الرزيه واصـبـحـت  دنـيـاي عگبـك مـظـلمه وتوحش  عليه ومـصـاب إلـي حـدر الـضـلع.... بالحومه جاسم منصرع الـمـن تـعـلگون الـشـمـع..... راح إبـنـي وماله جيه راح جـاسـم شـمـعـتـي وبـضـيـعـتـي شـلـون چنــت يــابــنـي سـلـوتـي يـانـور الـعـيـون نـاري  تـلـهـب بالگلب تچويني..... مادريت بكربله ترميني حــايــره الــيــوم.... گلــبــي مــالــوم