غـريـب و تـعـرف الـغـربـه ..... عـلـيـك الـحاجه مو صعبه إجـيـنـه  يـالـرضـه  الـدارك ..... تـرد حـاشـاك خـطـارك عـــلـــيــك  الــحــاجــه  مــو  صــعــبــه * يـبـو امـحـمد قصدنه انزورك ابلهفه ..... حوايجنه عليك أبداً فلا  تخفه طـبـيب انته و عرفنه عندك الوصفه ..... وبوصفت دواك اجروحنه  تشفه عـرضـنـه الـشـخـصـك الـحـالـه ..... شـجينه ابدمعه  هماله و ديـر اعـلـيـنـه أنـظـارك ..... و تـرد حـاشـاك خـطـارك * انته  اللي شفيت ابطبك المعلول ..... و بريت الأكمه و شافيت كل  مشلول و  حته  اللي انقرض طبه و صبح مقبول ..... ووجهنه طلبنه يمك و  شتقول عـلـيـك أبـداً فـلا تـصـعـب ..... و انـتـه بـالـعطه  امجرب و  مــحـد فـسـر أسـرارك ..... و تـرد حـاشـاك  خـطـارك * يـبـو امـحـمد اجينه نشجي غربتنه ..... الوكت تدري بعدنه عن  أيمتنه و  جـنـه نـعـتـنيهم نحجي شكوتنه ..... و يمك هالرست تالي  سفينتنه إجـيـنـه ابـهـذا مـطـلـبـنـه ..... و حـشـه مـنـك  تخيبنه الـوادم  تـحـجـي  بـآثـارك ..... و تـرد حـاشـاك خـطـارك * لـون  مـو  بـابك ندقها ندق يا باب ..... يا باب الرجه و مهيأ  الأسباب و خـدام و إجينه و ما تهمنه أتعاب ..... و ندري اليعتنيك ابحاجته ما  خاب تـزورك وفـدة الـخـدام ..... تـجـدد هـالـعـهـد كـل عـام إســمــع  صــوت  زوارك ..... و تـرد حـاشـاك  خـطـارك * و  حـقـنه من نجيك و نشتجي حقنه ..... و تدري هالزمان القاسي  لوعنه و  مـحـد  يـالرضه ابها المحنه يرحمنه ..... و إلمن نلتجي و لا غيرك  العدنه