هـالـدنـيـه عـاشـت ... كـلـهـا ابـخـيـالـك ومــن دمــك اخــذت... صــورة جــمـالـك يـحـسـيـن الـك أوصـاف... مـحـد مـثيلك شاف ابـمـقـاديـر وصـور تـزهـي جـمـال الـعالم اتقسّم بـعـض  مـن عـدهـا شـفـافه و بعض باللمس  تتجسم و بـعـضـهـا ابـنـغـمـه مـسموعه وتيره وبيها  نتنغم ولـون ردنـه نـقـسـمـهـن نـشوف لكل حسن  معلم شـمـس وامـواج سـحـريـه ومـفـاتـن لـمعة المبسم بـس  جـسـنـك يـبـو الأكـبـر تلوّن من مسيل  الدم ابكل صوره تزهي مرسومه ذاتك... ابساعة مماتك تبدي حياتك يـالـعـالـمـك شـفـاف ... مـحـد مـثـيلك شاف بـعـد أكـثـر أريـد أدخـل واخـوض ابـعـالم  القدره دخـلـت ابـروضـه نـفّـاحـه واجتني اعله الورد  فكره شـفـت بـيـن الـزهـور الـوان كـل لون ابوجه  زهره وحـيـن  اتـمـعـنـت بـيـهـن جذبت ناظري  الحمره ذكـرتـك  واذكـرت دمـك الـتـطـافح موجه  عالغبره مـثـيـلـك مـا شـفـت مـذبوح يلون الزهره من نحره كـل زهـره حمره تزهي ابغصنها... دمك يلون صورة  حسنها يـا مـصـدر الألـطـاف... مـحـد مـثـيـلك شاف وبـعـد أنـقـل الـك صـوره ابـجمال الشمس من تطلع حَـمَـار الأفـق يـرسـمـهـا وبـعـدها بفتره لن تسطع ولـون  وكـت الـغـروب ايـصـيـر تجدد حُمرة  المطلع اسـألـت  أهـل الـفـلـك كَـالوا يهالتنشدنه هاك  اسمع حَـمَـار الـشـمـس دم حـسـين عله افق السمه  اتوزع وصـبـح  حـلـقـة  وصـل دمك بين الشمس و المصرع هـاي الـعوالم محورها جسمك... وشمس المعالي خضّبها  دمك وابـحـكـم الاسـتـكـشـاف... مـحـد مثيلك شاف بـعـضـهـم يـجـعـل اوصـافك خيال ايصوّره الشاعر لـجـن عـيـن الـحـقـيـقـه اتكَول جمالك قدرة القادر الـدلـيـل ايـثـبّـتـه المصرع او يوضحه خصمك  الغادر يـمـن كـلـمـن كَـصـد ذبـحك وسيفه ابيمنته شاهر بـس مـا يـوصـل لـجـسـمك او يصد لوجهك الطاهر تـشـغـلـه هـيـبـة اوصـافـك ومحاسن نورك  الزاهر نـورك  يـخـيب طيفه وظنونه... ولكَومه يرجع يعلن  جنونه يـمـجـنـن الـسـيّـاف... مـحـد مـثـيـلك شاف ضـمـيـري ابـحـبـك اتـحـرر ولـساني اتطّهر باسمك ولـون  شـفـت  الـبـحـر هـايج أذكر زودك  وعزمك رمـز وابـجـبـهـة الأفـلاك يـحـسـيـن انطبع رسمك أثـيـر ومـا كَـدر واحـد يـشـخّص عالأرض  جسمك لا شـك حُـمـرة الـيـاقـوت لـوّنـهـا نـزف  دمك شـمـس حـكـمـه واهـل بـيـتك نجوم اتصرّعت يمك ابـعالم شعوري شفت المناحر... من عدها تجري سيول  الجواهر بـاقـي الـبـشـر أصـداف... مـحـد مـثـيلك شاف غـريـب و عـالـمـك أغـرب الـخـالق ما خلق مثلك اسـتـقـر  اعـلـه الـعـرش ربنه ومن نوره جعل  اصلك ابـكـل مـا خـلـق مـن مـخـلوق ما ظن ربك ايبدلك عـدالـة  خـالـق  الأكـوان مـن عـدهـا انفرز عدلك الـعـقـل  مـا  يـرضـه يستقبل صور عن ذبحك  وجتلك تـمـوت اشـلـون و الـدنـيـه خلقها الباري من  أجلك لـحـزنـك تـفصّل ثوب الليالي... كَطعة وريدك عالم خيالي وابـعـالـم الأشـراف... مـحـد مـثـيـلـك شـاف الـخـالـق مـن لـطـف ذاتـه يـبـو الأكبر فرز لطفك ولـمـن خـلـق هـالـدنـيـه بدت تكتسب من وصفك جـمـالـك لـلـبـشـر واضـح وكلمن شافك  ايعرفك بـحـر والـشـمـعـه مـا تـكَدر ابحرارة نارها  اتنشفك لـون شـفـت الـمـطـر يـنـزل أذكـر جودك وجفك ولـون شـفـت الـغـصـن مـحني أذكر طيبك  وعطفك يـا  مـن  لسانك كنز الفصاحه... وراحة يمينك بحر  السماحه يـا مـجـمـل الأعـراف... مـحـد مـثـيـلـك شاف