رب الــعــرش ويــاك .... و الــمــصــطــفـه  وصـاك لـو فـتـنـه تـظـهـر .... إصـبـر يـحـيدر.... و المصطفه وصاك يـا  حـيـدر الـنـص الإلهي أمّرك .... عكس القواعد يمشي كلمن أخرك إنـته انصرت بارينه و الباري إنصرك .... و إعله العناصر كلها فضل  عنصرك و  انـتـه الـجـبل حفظ اليقين ايصبرك .... كل العواصف لو تهب  متغيرك گلــبــك  جــبــل صـفـوان .... يـا قـلـعـة  الإيـمـان عـالـشـده تگدر .... إصـبـر يـحـيـدر.... و الـمـصطفه وصاك إنصرت النبي ابكل غزوه و ابكل معركه .... و ابكل فتوحاته العظيمه اتشاركه ابـسـيفك نفوس أهل الضغاين هالكه .... و هذا الجهود الهادي جان  ايباركه مـات  النبي و عندك إجه الدين اشتكه .... أصبح غريب و فتره مرت حالكه ابــمـوت الـنـبـي الـمـخـتـار .... ديـن الله ركـنـه إنـهـار مـثـلـك تـأثـر .... إصـبـر يـحـيـدر.... و الـمـصطفه وصاك ابفگد  الرسول الدنيه أضحت مظلمه .... بيك السنن لاذت و دين الله  احتمه و  ابـتـدت  غارات المحن متراكمه .... غاره بأثر غاره و غضب وجه السمه و اهـنا بدت تحجي و تلوم اللايمه .... اشلون ابوجودك ينغصب حگ  فاطمه و  اعــلــه الـضـلـع شـتگول .... هـم گلـك الـمـرسـول لاون تـكـسـر .... إصـبـر يـحـيـدر.... و الـمـصـطفه وصاك لا دامـت الـدنـيه عگب سيد الأمم .... ريت الوجود اتوسد ابحجر  العدم عـالباب  لجل  الدهر من صال و هجم .... بيمن يحيدر گلبك إنشد و إحتزم اشـلون  اگدرت تتحمل احمول الألم .... و إگبالك الزهره الضلع منها  انهشم لاشــك  يــبــو الأشــبـال .... صـبـرك يـهـز  إجـبـال فـضـلـك تـقّـدر.... إصـبـر يـحـيـدر.... و الـمصطفه وصاك الـهـادي ابـوفاتك خيرك يا با الحسن.... و قلك يا حيدر بيدك إزمام الزمن لـو تـشهر السيف و يرد دين الوثن .... لو تصبر و تحفظ شرف هاي  السنن إنـتـه  وصـي الـهـادي بالسر و العلن .... ما غيرك ابهاي الوصيه  مؤتمن بــهــالـحـالـه يـا كـرار .... حـفـظ الـسـنـن تـخـتـار هـذا الـتـقـرر .... إصـبـر يـحـيـدر.... و الـمـصـطفه وصاك عـشـرين عام و خمسه قارعت الصبر .... حين استقر بيدك يبو احسين  الأمر هـبـت ريـاح الفتن و مضات الغدر .... من كل حدب هاجت و كل  كتر هـاي الاجـت بـالهودج اتهيج الجمر .... و هذا اليطلبك ثاره من وقعة بدر يــا قــاعــده و قــانــون .... بـالـمـعـركـه ايـفـرون مـن عـنـدهـم احـذر .... إصـبـر يـحـيدر.... و المصطفه وصاك لـو  ما غبار الحسد و الغش و الجهل .... ما جان بالبصره تشب حرب الجمل و  فـتنة  الكبره الصارت اتثير الجدل.... ابصفين من رفعوا مصاحف  عالأسل هـاي  الفتن للأمه تلبس يا عمل .... و يا جرح من قلبك يا بو احسين  اندمل اصــبـر يـا داحـي الـبـاب .... يـوم الـقـيـامـه  احـسـاب هـالـزمـره تـحـضـر .... إصـبـر يـحـيدر.... و المصطفه وصاك