حـيـدر  يا  حليف الزود ... المحب وجه لك  اعتابه خـيـبـر  ردت النه اردود ... و علينه اتعلقت بابه أنــــخـــاك   يـــا   كــــــرار يـا  حـيـدر إلـنه عتبه اوياك و اعتاب المحب  يحله عـتـب يـروي قـلـب مجروح مل الغربه و  الذله مـحـبـك تـدري حزنه اسنين صار ابعيد عن أهله نـخـبـرك يـا مـحامينه ... و صفينه اليلتزم دينه قــابــض جــمــره  بــيــمـيـنـه و  لـو  شهدوا عليه اشهود ... ابحبك صفوا احسابه يـا  حـيـدر حـبك الجذاب أصبح للمحب  وسمه بـيـهـا  يـنـعرف  للناس مثل شخصيته و  يسمه ابـولائـه ايـصـيـر عند ربه أعز من الملك و أسمه لـجـن  خصمك ميحلاله ... و يشاهدنه بأعز  حاله يــســلــط  ســيــف  و ارجــالـه عـلينه و ما يراعي احدود ... شرع الباري و  اكتابه يـبـو  احـسـين ابسبب حبك تغربنه عن الأوطان و حـتـه انـحافظ اعله الدين من كل ظالم و  خوان و ردنـه نـهـجـك السامي نتبعه ابصدق و  بإيمان و لـن ضـربـه بأثر ضربه ... إجتنه من الغلط  قلبه لـبـو        مـره       مـشـه        ابـدربـه و  أبـو  مـره كثيره اجنود ... عنده و كثره أحبابه ابـعـزم حـبـك تشابجنه ويه عدوانك يبو  الحسنين و لـونـه ابـسـطـوة ارهابه و ابتخطيط  لشياطين و  انـتـه الـها الوضع عشته و اجره دمعتك  بالعين تدري اشقد صعب من صار ... زمام الأمر بيد  أشرار و  مــن صــار الــشــمــل  طـشـار ابـوطنه  صاحوا الفرهود ... و شرفنه داسوا احجابه أخـاف  امـن  الظلم و الجور يشطح بالوصف  قولي و  انـتـه أدره بـالـطـاغـوت لمن يحكم و  يولي يـدمـر بـالـخـدع و يصيح نولي امن البشر نولي تـعـلم شعبك ابيا حال ... و تدري اعليمن  الآمال مـعـقـوده          يـهـادي          الـضـال و  عـلـي  بيك الأمل معقود ... فرجنه اتهي  أسبابه يـكـشـاف  الـكرب  و الهم عن قلب النبي طاها ابـحـربـه  أهـل الظلم و الجور و ابتحطيم مبناها الـمـه الـهـا عـهد وياك و إلك وجهت شكواها يـحـيدر يا حماي الجار ... و جم مرحب علينه جار و    جــم    ظــالـم    يــوج     الـنـار بـيـنـه و الـنـصر مفقود ... و لا للعدل  طلابه و  تـدري جـم حـصن خيبر علينه اتعلقت  هاليوم عـالـمـظـلـوم كل الناس و الظالم صبح  مظلوم و  جـم حق من أخو الإيمان من قبل العده و مهضوم لا  حـول  و لا قـوه ... بـقـت عند أهل  المروه الــتــخــاذل بــيــهــم  اشـسـوه و الـمـوقـع اوياك اعهود ... يلوج ابشدة  اصوابه مـثـلـمـا مـلـوا قلبك قيح يا حيدر ملوا  قلبي و مـلـوا كل قلب ذايب بيك يمن نهجك رسم  دربي سـلـمـك يـا علي سلمي و حربك يا علي  حربي سـوي  الـشيعتك  جاره ... من هالظلم و  أضراره و      شـن      عـالـخـصــم       غــاره و  خـل ماضي الزمان ايعود ... ابنصر الدين و  يهابه يـحـيـدر شـيـعتك من يوم فقدك فاجده الرحمه و ابـسـيـف لـمرادي انصاب راس الدين و الأمه و سـره ابـجـسـم اليوالونك مثل مسره الدمه سمه يـالـشـيـبتك  مخضوبه  ... ابدم هامت  المضروبه إلــنــه اقــلــوب مــصــيــوبـه و بـيـت الحق بلا عامود ... طاح و ادسوا  احجابه يـحـيـدر و بـدمـع غـدران سال ادموم بعيوني الـفـقـدك و ارتـجـيت الدوح عله الونه يعينوني يـتـاج الـشـرف و الإيـمان من صابوك صابوني و سيف الشطر راس الدين ... شطر قلب المحب نصين عـلـه امـصـابـك يـبـو  الـحـسـنـيـن بـدمـانـه العقيده انجود ... و انهل الدموع  سجابه و  نـواسـي  بـالـدمـوع اقلوب اولادك  يوالينه و  نـحـشـم زيـنـب الـكبره نسليها و  تسلينه و مـثـل أطـفـال أبو السجاد ابدار الغرب  تحمينه زيـنـب حـي مـعـالـيها ... يفوز اليلتجي  ليها و            ابـحـيـدر            يـواسـيـهـا ابـكرامتها خبر مسنود ... ورد عن جدها و  أصحابه