أضف الموضوع
الشاعر الأديب الحاج جابر الكاظمي - 08/09/2009م - 8:36 م | عدد القراء: 3412
هـالـلـيـلـه حـيـدر ... بـالـجـنـه يـحـضـر ... يـم فـاطمه ايبث الأخبار
يـا مـحـنـه أكـثـر ... جـمـرتـهـا تـسـعـر ... هـالـطـبـره لو نار المسمار
حــيــدر حــيــدر يــا كــرار ... حــيــدر حــيـدر يـا كـرار
طـاح الـوصي بالمحراب و ضجت أملاك السمه... روحه اعتنت للفردوس هالليله يم فاطمه
و أم الـحـسـن بـالعبرات استقبلت حامي الحمه... مدت أياديها اتريد تمسح مسيل الدمه
و الـزهـره نـاحـت ... و ابـعـبـره صـاحـت... هـالـيـوم أنـشدك يا كرار
يـا مـحـنـه أكـثـر ... جـمـرتـهـا تـسـعـر... هـالـطـبـره لو نار المسمار
اتـقابلوا تدري ابيا حال و اتلاقو ابيا وضع... ما ظهر منهم كل صوت و ما يحجي غير الدمع
عـالـطـبـره صدت بالعين و حيدر يصد للضلع... موقف يألم لو جان بالصخر هم ينفجع
بـالـدمـعـه نـرسـم ... مـوقـف يـألـم ... بـيـن الـوصـي و بـنت المختار
يـا مـحـنـه أكـثـر ... جـمـرتـهـا تـسـعـر... هـالـطـبـره لو نار المسمار
و الـمـصـطـفـه يمهم جان واقف يهل دمعته... الهادي انفجع من هالحال و اتغيرت حالته
مـره يـصـد لـلـكـرار ينظر نزف طبرته... و مره يصد عين يشوف كسر ضلع بضعته
نـنـشـهـد مـحـمـد ... يـا لـوعـه أزيـد... مـنـهـا الـقـلب يتلاهب نار
يـا مـحـنـه أكـثـر ... جـمـرتـهـا تـسـعـر... هـالـطـبـره لو نار المسمار
بـنـت الـنـبـي و داحـي من شافوا المصطفه... خذهم حياء الوجدان من النبي و موقفه
حـيـدر ويـه الزهره راح و عن الرسول اختفه... راحو و دمعات النوح فوق الوجن ذارفه
عــالـهـادي نـاحـو ... مـن يـمـه راحـو... و ابـتـعـدوا عـن الأنـظـار
يـا مـحـنـه أكـثـر ... جـمـرتـهـا تـسـعـر... هـالـطـبـره لو نار المسمار
حـيـن اختفو عن كل عين حيدر و بنت الطهر... ناداها يالزهره اشلون بعدج قضيت العمر
بـيـن الحزن و الآهات بين المحن و الصبر... و اليوم إجيت ابها الحال امصوب ابسيف الغدر
و اتـشـاهـديـنـي ... امـصـوب جـبـيـنـي... و دم راسـي يشرح كلما صار
يـا مـحـنـه أكـثـر ... جـمـرتـهـا تـسـعـر... هـالـطـبـره لو نار المسمار
انـقـارن يـحـيدر قلبين قلبك و قلبي انهضم... يا هو الذي أكثر شاف لوعه و مرار و ألم
ضيحوا جنيني اعله القاع و الضلع مني انهشم... و انطوت صفحة دنياي و بالموت عمري انختم
و أصـبـح مـمـاتـي ... بـأول حـيـاتـي... يـا حـيـدر إنـشـد بـاب الـدار
يـا مـحـنـه أكـثـر ... جـمـرتـهـا تـسـعـر... هـالـطـبـره لو نار المسمار
يـا فـاطمه شفت اهموم ما مرت اعله البشر... عايش وحيد ابدنياي و من عندي حقي انغدر
اسـنـيـن أحمل اهموم و ضيم وشكثر قلبي صبر... و من بعد ذيج الآم بالسيف راسي انطبر
يـا حـالـه أصـعـب ... شـيـبـي الـتـخـضـب... لـو ضـلعج الصابه الغدار
يـا مـحـنـه أكـثـر ... جـمـرتـهـا تـسـعـر... هـالـطـبـره لو نار المسمار |
|
