الـتاريخ يعرض حالات ... التاريخ يكشف غايات
لا تـعـاكـس ... إنـت دارس ... هـالـتاريخ
لـو جـنت صاحب درايه ... هذا تاريخ و ادرسه
اتـشوف محور كل خفايه ... ابفكرك البارع تلمسه
امـن الـبـدايـه لـلنهايه ... هو هو نفسه نفسه
قـوم اعـرض الـفـكـره ... يـالفكرتك حره
و لا اتـغـيـر النظره ... و روح اكشف الأسرار
هـالأسـرار تـكـشـف حـال ... لـلأجيال
و درب الـجـور مـهـمـا طـال ... هم ينزال
أخـبـرك هـالـمـظـالـم مـنـهـو بـاديها
لــلــمــظــالــم ... و الــجـرايـم
إسـأل شـوف ... يـا نـاس رفـعـوا رايـات
نـبـدي من آدم و نشرح ... درس مربوط ابعلايم
بـالـظـلم قابل وضح ... صور للغش و الجرايم
و إلـنـه هالموقف ترشح ... و مصدر الكل المظالم
قـابـيـل بـشـروره ... و يـعرض إلك صوره
وواضـح الـنـه جـوره ... و يـوم الغِدر هابيل
و بــالأحــزان آدم صـاح ... إبـنـي راح
و هـذا الـصـوت إلـنـه لاح ... عـن إيضاح
و مـثـل هـالـصـيـحـه جم صيحه سمعناها
هــذا آدم ... دمـعـه مـن دم
عـل الـخـديـن ... لـلـيـوم يجري العبرات
بـالشرح نبقه نسلسل ... و الشرح يكشف الواقع
و نطوي تاريخ و نحلل ... و عن قرب هاي الوقايع
ابـواقـع الحاضر نكمل ... و صور ترسمها المطامع
انـعـبـر هـالـمـصادر ... امن الماضي للحاضر
و نـسـأل هـالـضـماير ... ليش اتغيرت ليش
و مـلـتـزمـيـن بـالأطـماع ... و الأخداع
و حـكـم الـجـور ليش إنزاع ... و الحق ضاع
و لـيـش الأمـه غـيـرت كـل مـسـيـرتها
لا تـنـاشــد ... هــذا شــاهــد
عـن هـالـنـاس ... هـالـنـاس واقعهم مات
الـيـلـتـزم نـهج الرساله ... واقع يعيش ابحياته
و الـتـبـع أهـل الضلاله ... تبقه يم ذمته و ذاته
ايـسـر هـالمرسل و آله ... بينه ما اتمض معجزاته
ايـصـيـرالـجـاهـلـيـه ... ردت هـيه هيه
مـو حـالـه خـفـيـه ... و اتوضحت للناس
و لـو هـالـنـاس مـلـتـزمين ... نهج الدين
مـا تـنـصـاع لـلـطـاغـيـن ... و الباغين
و لا جـان الـجـهـل يـتـفـرس اعـلـيـها
لا تــجــادل ... لا تــســائــل
عـن دنـيـاك ... دنـيـاك لـوعـه و آهـات
خل نهز هاي الضماير ... و نحجي عن واقع و حكمه
و هـم شـفت بالناس ثاير ... و مثلما ثار أبو اليمه
إفحص الماضي و الحاضر ... و شوف الأدوار المهمه
و مـثـل احـسـيـن مـثله ... و هم ثاير تجله
مـا راد الـمـذلـه ... راد الـعـزه لـلـديـن
و مـثـل احـسـيـن ما موجود ... صاح ابزود
ابـدمـه جـان مـنـطـي عـهود ... للمعبود
و كــل اعــهــوده بـالـمـيـدان أذاهـا
فــادي عــمــره ... ضـحـى نـحـره
لـلأحـكـام ... لـلـديـن ثـبـت آيـات |
