لـيـلـى تـنادي يا مظلوم…. گلي يا شبل حيدر
بـظـلـع أمـك أحـلفنك…. عليمن وجهك تغير
يـحـسـيـن الـلـسب گلبي… وحالي تغير لحالك
لـيـش بـأمـرك إحتاريت… وليش لزمت دلالك
وبـروحـك اشـوف تجود…. يابن المصطفى شمالك
مـنـهـو الوگع بين الخيل…. گلي وإندهش بالك
يـا عـطـشـان عـالتربان.. طاح إبني علي الأكبر
يـحـسـيـن الـولـد مـريود… شمعه لوالده وأمه
وهـالـشـمـعـه يعلگوها… وگت الشده والهمه
چنـي الـشـمـعـه طفوها… وعيوني غدت ظلمه
وچنـي ولـيـدي مـني راح…. وچنه تخضب بدمه
يـا عـطـشـان عالتربان… طاح إبني علي الأكبر
تـدريـنـي إشـكثر باريت…. وشگد تعبت برباه
ومـن ثـدي الـوفـه رضعته…. دمي وإنمزج بدماه
ذابـت شـحـمـة عيوني…. من جور السهر وياه
چن سـلـمـتـه بيد الموت.. وچن سهم المنيه رماه
يـاعـطـشـان عـالتربان… طاح إبني علي الأكبر
إلـك ضـرب الـمهد مانام…. بگد ماتوسد بحجري
وحـدر ضـلـوعي ضحيته… وعليه إنكسر ظهري
ردتـه تچويـتي للسيف…. لو دهري بعكس دهري
ربـيـتـه وحـسبت حساب… ينزل جثتي بگبري
يـاعـطـشـان عـالتربان… طاح إبني علي الأكبر
عـيـنـي اللي سهرت وياه…. وماغمضت ولا ليله
مـن شـد لـلمعاره وراح….. صارت شمعة تضويله
تـمـنـيـت الـرماح تصير….. ورود ولبني تزهيله
وحـدود الـصـوارم كون…. اغصان وچن تفييله
يـاعـطـشـان عـالتربان… طاح إبني علي الأكبر
چنـي فـاجـده ولـيـدي… وچني تگبعت بالهم
وچن بـيـه إنگطـع يحسين … وبعد الشمل ما يلتم
وچن چوچب سعود يغيب… وچن راسي خضيب بدم
وچنـي بـشـمـعـتك تطفي… وچن بيتي التهدم
گلـبـي مـن حـدر للكون… فگد روحه أنشرته
وروحـي الـلي تلفتها عليك…. رداني وبيها حزمته
بـسـم الله يـابـو السجاد…. من ودعني حصنته
أمـري وأمـرك الـمـحـتـوم… بيد الباري سلمته |
