هـاك الـعـهد يا حسين ... قائدنه دنيه و دين
دمــك ضــمــن عــزتــنــه
يـا حـسين إخذ هذا العهد فوق القلب تدوينه
انـتـابـعـك دنـيه و آخره بيعة شرف تهدينه
مـن نـشـأت الروح امتزج حبك الطاهر بينه
مـا بـيـن لـصـلاب انـتقل ويانه و يدلينه
و اتـسـجـل الـتدوين ... من عالم التكوين
بـيـعـة عـدل بـيعتنه...دمك ضمن عزتنه
يـا حـسـيـن مـن دور المهد حبك نشأ ويانه
ارضـعـنـه الـمـوده الثابته اسمك ثبت بدمانه
إنـشـأنـه و عرفنه بمنهجك نهج النبي و قرآنه
و ادرسـنـه سـيرة مبدأك و اعله العدل دلانه
أصـبـحـنـه مـشغوفين ... كلما تمر اسنين
يـكـبـر غـصن فكرتنه...دمك ضمن عزتنه
زاد و كـبـر بـيـنه الأمل و بنهجك اتعلمنه
مـعـنـه الـحـياة الساميه و اعرفنه و اتفهمنه
إنـتـه الـحـقيقه الثابته و ارخصنه لجلك دمنه
و ارفضنه كل طاغي و خصم و أهل الظلم متهمنه
سـيـرة عـدل ماشين ... بها الفكره معروفين
غـايـة عـدل غـايـتنه...دمك ضمن عزتنه
مـرة مـلـوك و كـل ملك منهم لعين انشوفه
يـمـنـعـنه عن ازيارتك و يشهر علينه اسيوفه
ايـقـول الـيزور ابن النبي ايقدم ضحيه اجفوفه
يـا حـسين احنه الشوفتك جينه ابمهج مشغوفه
ارخـصـنـا لـك الـجفين ... اتعنينه ملهوفين
صـرخـة عـدل صرختنه...دمك ضمن عزتنه
هـالـنوب قال اللي يجي و يقصد احسين و قبره
كـل عـشره تسعه تنذبح واحد يجي امن العشره
مـا هـمـنـه اصدار الحكم كل فرد قدم نحره
و انـريـد نـثـبـت للأمم قائدنه خالد ذكره
لـلـذبـح مـتـقدمين ... عن معرفه امضحين
رايـة فـخـر رايـتـنـه...دمك ضمن عزتنه |
