حـمـلني الشوق و بقلبي احملت  ناره حـسـيـنـا و احـسينا  واحسيناه إلـك يـالـشيدت بالدم قوام  الدين و  هـذا الـعام عام الثالث و  عشرين أشـلون أعوام غربه عام أشد من  عام كـتـايب  جمر حزني و عسكر  الآلام قـلت يا يوم أجيك و حان هذا  اليوم مـا بـين الصبر و الدمع روحي اتحوم ألـم  فرقاك أشد من كل ألم و أصعب جـنـت  للفرج لحظه ابلحظه  أترقب إجيت و جذمي يتخطه اعله راس  البين يـا  ساكن ابروحي و مهجتي و  العين دخـلت  الحضرتك  و الروحي  أسألها صـدق  حضرتك هذي و آنه داخلها

إجـيـتـك طير عاد و رجع  لوكاره حلم و احملتك اعله ارموشي من اسنين قـضيت  اسنين غربه و روحي  محتاره و  بـأوتـار ضـيـمي تعزف  الأيام تـشـن اعـله القلب غاره بأثر  غاره إجـيـتك أمشي عالأشواق يا  مظلوم تـاره  أصـبـر و أجري الدمع  تاره مـا بـيـن الـجوانح جمرتك  تلهب مـثـل غصن الذبل و ايراقب  أمطاره و  بـلـهفه  دخلت الحضرتك يحسين إجـيـتـك جـيت المذهوله  أفكاره صـدق  كربله هذي اللي رجعت  إلها صـدق هـذا الضريح و هذي  أنواره