حـجيت و كَالت الشمات ميجوز
قـلت من حب علي دلالي ميجوز
الـصـراط اعـليه مبعوث ميجوز
إلـه بـأذن مـن حـامي الحميه
العلي مو بس عشك عاشق و هاوي
بـشبج حبه طحت مغرم و هاوي
مـو حـب رغـبه حبيته و هاوي
هـويـته جيه أخو الهادي ووصيه
عـلـي من شيعتك احسبنه وعدنه
الـبـاري بـجـنته لجلك وعدنه
لـون مـتـنـه عله حبك وعدنه
ووعـدنـه اويـاك علكوثر سويه
عـلـيل الدين يا حيدر صحاباك
صـفوا من خيرة الصفوه صحاباك
الـنبي من راد اله صاحب صحاباك
مـثـل هـارون وي موسى سويه
ينقال عن حقد النواصب خبر ينقال
و كـلـمـن رافضي للنار ينقال
إذا تـقـديـم حيدر رفض ينقال
أول رافـضـي رب الـبـريـه
عـلـي ذخـر كـل شده وكفها
اشـكـثر عنه محن صدها وكفها
شـهـم جـم موزمه طبعه وكفها
ويـه أهـل الـنجف نهدي التحية
حـنـيني اشقد إلك قلبي ويا بات
مـثـلـك يـا بلد عنده ويا بات
الـنـسه ما طلقت ابمثلك و يا بت
بـس الـمـصـطـفه سيد البريه
إنـكتب إسمك ابساق العرش نصين
و إلـك آيـات بـالـقرآن نصين
شـق ربـك جـدار البيت نصين
و قـلـك فـوت حـماي الحميه |
