اعله كيد اهمومي و الاحزان ..اعله جمر الهضم و الاشجان
اجـيـتـك جـيـت الـثـقـله الحزينه و مالها وليان
اجـيـتـك جـيـت الـعافت أهلها اموسده التربان
اجـيـتـك حـايـره و أصرخ دخيلك يا كمر عدنان
عـفـتـنـه بـديـرة الـغـربه حرم و بولية العدوان
لا ظـل والـي يـحـمـيـنـه و لا والـي و لا عوان
و هـاي احـنـه حرم و ايتام و عليل ايعالج و رضعان
ويـن انـروح مـا نـدري و أهـلـنه اجسوم بالميدان
نـشـوف الـخـيل يا عباس غذت تسحق عله الأبدان
عـقـب سـحـق الجثث هالنوب علينه دارت الفرسان
عـلـيـنـه اتـوجهت هالخيل و علينه حرقوا الصيوان
صـرت كـل سـاع أجر طفله و طفل من ذوية النيران
و طـفـل الـمـا تلوحه النار تسحقه اخيول ابن سفيان
الـعـيـلـه امـن الرعب هجت و اتطشرت بالوديان
يـخـويـه و آنـه بـيـن الخيل أكابر و الفكر حيران
حـرت بـيـن أجـمـع أيـتـامي و بين أجمع النسوان
عـسـانـي مـا طـلبت الماي يخويه و ريت موتي حان
و عـسـانـي ما كلت خويه الطفل يا بالفضل عطشان |
