اعـيـونـه  ابدمع  الصبر  فياضه و الـمـجـد ظلت ممحله ارياضه تـظل  تجري اعيونه ادموع  الصبر و نـدعي ابها الصبر حصلنه الأجر خـدرت  أفـكارنه  أحلام  العمر نـحـس بـالذل و عليه  نتغاضه الـصـبر  ذل  العار دنيه و  آخره و  الأعـذار  أضغاث نوم و  ثرثره الـمـا طلب حقه نصيبه  المسخره و  لـو حـجه الوادم تحور  ألفاظه بـالـصبر نتحجج و مرت  اسنين نـغـض عن الواجب و  متخاذلين الـنـه  غايب دوم إله  مستنهضين و  مـا  نـأدي واجب  استنهاضه خـل نكف ادموعنه و خل  نستعد و  خـل نلم هذا الشتات و  نتحد نـوصـل  ابوحدتنه ذروات  المجد و  لـلـعهد نثبت صدق  حفاضه مـجـد عدنه محلت ارياضه و يريد نـسقي  أرضه  الطيبه ابدم  الوريد احـسين  ما وصانه بس نلعن يزيد و  نـحـفـظ التاريخ  بستعراضه أبـو  الـيـمه لمن استبسل و  ثار و  ابـهـدر دمه ضمن هالإنتصار راد  دوم انـتـابـعه ابهذا  المسار و  مـثـلـه  لهوال المحن  خواضه حـسين  لمن  طاح بالمصرع جريح ابصوته جان و دمه يتحده و يصيح الـمـؤمـن الما اتمايله هبت الريح مـجـد دينه اعله الحرب  حراضه و  الذي يمجد شرف يوم  الطفوف بالفكر خل يدخل الحومه و  يشوف سـبـعـه  و ثمانين تتحده  الوف و بـالـوغه البذل النفس  ركاضه