تــوفـونـي واعـدتـونـي ... و آنـه أعـرفـكـم تـوفـون
أم الـبـنـيـن اتنادي ... توفوني يا ويلادي ...و آنه أعرفكم توفون
تـجـمـعهم بساعة وداع و هجره ... اتحاجيهم ابلوعة إفراق و سفره
أربـعـه و كل واحد قلبها اتنظره ... و كل واحد اصبي عينها تعتبره
اتــنـاديـهـم يـا قـلـب أمـكـم يـا أنـوار لـعـيـون
يـا بدور ابظلمة ليلي ... توفون ابرجت حيلي ...و آنه أعرفكم توفون
تـدرون يولادي اجمعتكم عندي ... ابساعة افراق السفره راحت تبدي
إلـمـن ردتكم جن عرفتوا قصدي ... إنتوا الضلوع و أبو اليمه جبدي
يـولادي إنـتـو اضـلـوعـي و انـتـو الـجـبـدي اتحفظون
جـبـد احسين اتحفظونه ... توفوني من توفونه...و آنه أعرفكم توفون
هـذا إبـن والـدكم و انتو اوياه ... و اعيونكم وين الذي ايحل ترعاه
بعيون أختكم خل تصير و عيناه ... و كل واحد و زينب اشتركت برباه
اتـبـاريـكـم بـت والـدكـم ... مـن جـنتوا انتو اترضعون
كـل واحد هزت مهده ... و اتريد الوفه عنده...و آنه أعرفكم توفون
اتـعـرفون زينب و الدهر صادمها ... بمصاب أبوها عقب صدمة أمها
بـمـصـاب أخـوهـا الحسن و مألمها ... و اليوم من أوطانها يحرمها
زيــنـب هـاي الـمـجـروحـه و لـلـمـجـروح اتـداوون
يـا أبـع إخوه اوياها ... وافوها ابذاك ارباها...و آنه أعرفكم توفون
و إنـتـه يبو فاضل أخوك اتعرفه ... يوليدي كله اعليك شوق و لهفه
حـط جـف يـمينك يا عباس ابجفه ... خاف القدر من بينكم يختطفه
اتــحــرســون أخــوكـم هـذا يـولادي لا تـنـامـون
اشلون اسهرت وياكم ... تبعي ما ضاع اوياكم...و آنه أعرفكم توفون
يـولاد أسـلـمـكم أخو و الحسره ... لفراقه تبقه ابقلبي مثل الجمره
يـولاد أسـلمكم بنات الزهره ... خايف دليلي السفره تصبح خطره
هــاي اواديـع والـدكـم و انـتـو الـلـي تـلـتـزمـون
ابـنـات الأبـو اتباروها ... توفوها واعدتوها...و آنه أعرفكم توفون
و شوكت ما شفتوا إختكم زينب ... ندهتكم اتسارعوا اشعدها مطلب
نـوخوا النوق إنجان زينب تتعب ... و لو أمر عد زينب تشوفه يصعب
نـادوهـا إحـنـه عـنـدج و كـل شـده قـولـوا اتـهـون
و الإخـت مـن أخـوتها ... يهل الوفه عزتها...و آنه أعرفكم توفون |
