حـسـيـناً  واحسيناً   واحسيناه مـره  أكـطع طريج الصبر مرات شفت  عكبك يخويه غصص  مرات مـو  مـره  صحت يحسين  مرات وانـتـه مـا تـرد اجـواب  ليّه زفـيـر  الـعطش من الجبد  ينفذ كـل  سـاعـه بدليل سهم  ينفذ لـذكـرك كـلبي يا مظلوم  ينفذ مـهـجـتي  و خيمتي شبن سويه غـيـرك مـا جره دمعي  ولكدار عـلـيـه  امخيمه اهمومي ولكدار إلـك عيله انسبت بالطف  ولكدار تـضـعـضع و انهدم سوره  عليه بـيابي  من  البجه انحفرت  وغارت صـحـت  يحسين  دنيانه وغارت الـخـيـل الخيل دهمتنه و غارت عـلـيـنه  وداست احدود الثنيه انـجرح گلبي بجرح ما بعد  ينشال عـسه  جف  الدهر يحسين  ينشال راسـك  فوك  راس الرمح  ينشال عـجـيـبه و جثتك فوك  الوطيه دلـيـل  ابـغيبتك يحسين  شالوه عـبـيض الجان يجري گبل  شالوه عگب مصرعك راسك ليش شالوه عـلـى روس الـرماح  السمهريه انـه  أيـامي عليّ من زغر  ياريت دمـعـتي  ماركَت من يوم  ياريت سـالـم تظل خويه احسين ياريت و اروحـن فـدوه لك يبن الزجيه ينصاب گلبي مأتمك يحسين  ينصاب دجـرك مـن يـمر الدمع ينصاب گلـبي  دون  كَلبك ريت ينصاب خـدي  دون خـدك عـل وطيّه