ضلع وثأر
جارت كل الدنيه اعلينه...مولاتي مولاتي
چا وينه الغايب چا وينه...مولاتي مولاتي
وینه غایبنه...فراگه عذبنه
الليله يا مولاتي گلبي طافح بعشگه و غرامه
والطفح عشگه يحگله لو يناشد عن إمامه
طوّل اغيابه علينه والهجر تكتل سهامه
چم سنه نعد لظهوره...وچم علامه وچم علامه
شال سنين افراگه چتافي...مولاتي مولاتي
مو كافي اغیابه مو كافي...مولاتي مولاتي
بُعده صوبنه فراگه عذبنه
والله يا مولاتي احچي و بالگلب للمهدي حرگه
ادري باللي ثار عنده جفنه ما یگدر يطبگه
إله ياخذ ثاره بيده والعدو برجله يسحگه
الدمعه من دمعات زینب بالدمه العالم يغرگه
زینب چم دمعه الهلتها...مولاتي مولاتي
اعله مصابج وعله مصيبتها...مولاتي مولاتي
اغیابه شيبنه...فراگه عذبنه
والله يامولاتي حيره وعيني محتاره بدمعها
ألمن الدمعه تهلها ويا جرح أكثر صدعها
الليله ما اذكر مصابچ مصابچ الشیعه فجعها
گلبي ما ينطيني اگولن فاطمه کسروا ضلعها
نبچي اعله ابنچ هاي الليله...مولاتي مولاتي
مو بس هوه الدمع يسيلة...مولاتي مولاتي
دمعه دولبنه...فراگه عذبنه
بالگلب محفور اسمچ وانتي تدرين بدليلي
وبيه ليل انهار ألهج ونور اسمچ ضوه ليلي
وعيني ناذرها لمصابچ لفاطمه يعيوني سيلي
وهالمسيه ويه ذكرچ اذكر لزیّد عويلي
بدر المحجوب من احبابه...مولاتي مولاتي
لوع كل الشيعه غيابه...مولاتي مولاتي
وعنه حاجبنه...فراگه عذبنه
هالكثر انخه لظهوره عندي يا مولاتي غايه
راید بعيني اشوفه من يجي لطف المنايه
اشلون ياخذ ثار جده حسین و جسوم الضحايه
وثار أبو النوماس كافل خدر زینب والسبايه
واصعب ثار عيوني تشوفه...مولاتي مولاتي
ثار الحره الما مشيوفه...مولاتي مولاتي
هَجرَه غربنه...فراگه عذبنه
