في رثاء القاسم بن الحسن :
جاسم يا عديل الروح...قلبي ابونتك مجروح
معرس يا صبي العين...وابيوم العرس مذبوح
يبويه صدلي ابعينك...قلبي انشعب بونينك...عسى حيني قبل حينك
ولا اشوفك ينور العين...في يوم العرس مذبوح
يا طير السعد فرفر...من ايدي وبالثرى اتعفر...يبويه اشها العرس لقشر
يبني امترب الخدين...وبيوم العرس مذبوح
يبني انتبه شوف امك...اتلوج وتنتحب يمك...يبويه اخضابك ابدمك
عمرك ما بلغ عشرين...وابيوم العرس مذبوح
قومن يا حرم وياي...نعصب طبرته بهداي...فقد الولد فت احشاي
بفراقه فجعني البين...وابيوم العرس مذبوح
وعروسه تجذب الونه...تنادي وخروا عنه...وخلوني بودعنه
لقته امغمض العينين...وابيوم العرس مذبوح
صاحت والدمع يهمي...الف وسفه يبن عمي...عروس وفرحتي همي
جنت سلوه لبویه حسين...وابيوم العرس مذبوح
وقعت فوقه ابهمه...تصيح ابصوت يا عمه...تعالي اتخضبي ابدمه
قبل شرواه شفتي وين...وابيوم العرس مذبوح
وطلعت زینب اتنادي...ابدهشة والدمع بادي...يجاسم ذايب افادي
معرس یا صبي العين...وابيوم العرس مذبوح
فتح عينه وشبح ليها...لعند زینب يحاجيها...هالطبره دعصبيها
شوفي اشفعل بيه البين...وابيوم العرس مذبوح
