قُم يا علي
زینب تنادي ابرزيه...يا علي لحگ عليه
يابو العتره...عليك الزهره
يا علي لحگ عليه
زینب ابهاليله ناحت والدمع يجري اعلى خدها
الليله ظلمه وهيه حرمه ولا ولي اليحميهه عدها
چانت امأمنه العقيله بچافل العيله ضمدها
تالي نام على الشريعه وجرحه هوه اللي ضهدها
من وگع راعي الحميه...نادته بونه شجيه
حسینك نظره...عليك الزهره
يا علي لحگ عليه
کل مصايب هالمسیه گابلتها الدللوها
ساعه تنظر لليتامه آل امیه ایروعوها
وساعة لن تنظر فوارس تعتني وتدوس اخوها
وزينب من الخيمه طلعت وحشمت حيدر ابوها
زینب الحره الأبيه...تحشمه بالدمعه الجريه
عوف الغبره...عليك الزهره
يا علي لحك عليه
زینب توجهت لبوها وصاحت بصوت المصيبه
بویه هم تدري بعزيز عالثره جثته سليبه
بویه وانه الدلتني گلبي هاك اسمع نحيبه
كل هذا وما تجينه يا علي صبرك عجيبه
يا علي ابهاي المسيه...جثت ابنك عالوطيه
اگعد نظره...عليك الزهره
ياعلي لحگ عليه
بویه منته التحمي جارك احنه جارك وانولینه
وانته مندوب الشدايد بشده طحنه وما تجينه
بویه سلبونه خدرنه وانته ما تنغر علینه
وغيرك شعندي يحيدر من عگب حامي الضعينه
عالثره هوه واخيه...ويمهم تنوح الزچيه
تون ابحسره...عليك الزهره
يا علي لحگ عليه
بویه ما یکسر دليلك وضعي يا والي اليتامه
تدري چم سوط التلوه وبالمتن خله علامه
تدري اگضي انهاري ابچي وليلي ما اگدر انامه
وگمت أحب الليل لو جن حته يسترني بظلامه
اسمي چان الهاشميه...وتالي صار الأجنبيه
وانته الأدره...عليك الزهره
يا علي لحگ عليه
