يهل زینب أهي زينب شضل بيها...وبچت حتى الأعادي من بواچیها

ركبت على الناگه ولاح راس حسين...لصوب العلكمي دارت بسرعه العين
لنها تشوف رايه طايحه و چفين...ويم المشرعه مطروح واليها

تنظر للثريه راس فوگ الزان...وتنظر للثره چفين عالتربان
شوف العده شسووا يا بني عدنان...ونومتكم الطالت شنهي تاليها

يا أهل الشجاعه ويا ربات سيوف...زینبكم خيال الها فلا مشيوف
تاليها على ناگه هزیله تطوف...چاوين المواضي اوین اهاليها

حگه اللي عتب واللي يريد ایلوم...كافي النوم عن الثار کافي النوم
شهر يهل الشرف زینب ابين الگوم...ولا واحد اجاها ويسأل اعليها

بشرعكم هذا صاير يا أهالي الطيب...کون اطفالكم لجل العقيله تشيب
عیب اعله الزلم يا بني هاشم عیب...زینب تنسبي وتضحك اعاديها

چاوينه ابو صالح فخر عدنان...خل یگصد امیه ويذبح الرضعان
ويدوس اعله الخشوم ويسبي النسوان...وكلمن نظر زینب عينه يعميها

چایمته ظهوره وشنهي تأخيره...خل ياخذ بثار الظلت ابحيره
وما تدري نظرها المن تديره...ويبس حته حلگها من نواخيها