هلیله زینب واگفه بالحومه...ملچومه بفراگ الأهل ملچومه
وتنادي يلي عالترايب نومه...گوموا وشوفوني ابيا حاله

الله واكبر یا گلبها اشكبره...وتشوف كل اخوتها فوگ الغبره
شبچت عله الراس العقيله العشره...ودمعتها عالخد هماله

ما ردت بس واحد يجيني الليله...يحرس يتامه أم الحسن والعيله
حتی اروح الجافلي واحچیله...هنياله الميت هنياله

بکربله شفت الما يصير وما صار...بالخيمه نسوان ويوجوها بنار
والخيل گامت تسحگ زغار كبار...وانه الرديت الخياله

عتبي عله الي گال گومي ابختي...وحط ايده بيدي وگال زینب يختي
بس نادي يا راعي الوفه لو خفتي...يا هاب الخدرچ يدناله

وناديته چم مره ولا جاوبني...تقبل اروح انخه الذي سلبني
عذبني يا خويه الهجر عذبني...يا راعي السيف وشیاله