انه ابجالك چنت زينب المهيوبه...ومن بعدك صرت زينب المسلوبه

انه البالنهار الشمس تبرالي...وبالليل الگمر میفارگ احوالي
اماني حسين والعباس کفالي...وبسابع سمه أم الخدر مكتوبه

مكتوبه وعلي الأكبر عله يمناي...وجاسم حمه لخدري ونعم بالحماي
أولاد اخوتي وفاي ابن وفاي...ولو طبو الحومه تصير مگلوبه

زلم فوگ الزلم والخيل فوگ الخيل...الأرض امزلزله والسمه اذب سجيل
وما ينسمع بس صوت ليريد دخيل...من يِصِگرَه الأكبر يصرخ التوبه

لچن غفلة وكت ولصار مدري اشلون...واشوف النجم مطعون بكتر مطعون
الأكبر ويه جاسم والذي يرضعون...روس امگطعه واجساد مسلوبه

من شفت الشمس مطروحه فوگ الگاع...ومن شفت الگمر ما بيه ضوه واشعاع
صحت زينب يزينب ذاکه خدرچ ضاع...وخيامچ غدت فرهود منهوبه

منهوبه الخيام وسلبو النسوان...وضربوهن يبو فاضل يعالي الشان
يسلطان الحميه يقبل السلطان...رقيه تنضرب چا مالها حوبه