كعبة الرزايا
أنتي بس هاي المسیه...یا زینب
شفتي چم مره المنيه...يا زينب
والله مصيبه...صرتي غريبه
أنتي يا زينب عزیزه مخدرت بیت الرساله
چنتي ابيت الصميده بدر وبنوره يتلاله
حيدر بوجهچچ يعاين جدچ الهادي وجماله
وعايشه ابيت النبوه بهالكرامه وهالجلاله
ذاك خدرچ ماكو مثله...یا زینب
خدر من کل خدر اعله...یا زینب
يا هو اليجيبه...صرتي غريبه
لچن ما انصف زمانچ ضملچ اسهام المنيه
بسهم من اسهامه صوب صدر امچ يا أبيه
وبحزنها أنتي بعدچ صاب حماي الحميه
والحسن چبده تصوب وانتي كل يوم برزیه
لچن كل هذا وصبرتي...يا زينب
صبر عودچ كله انتي...يا زينب
صبرچ عجیبه...صرتي غريبه
ما بگه یمچ يزینب غير أبو اليمه عضيدچ
وبعد خواض المنايه حامل الرايه كفيلچ
لو هوه يهب اعله خدرچ گبله أبو فاضل يجيلچ
لچن دهرچ عنده نيه يصيب هالمره دليلچ
اعمارنه كلها اعله عمرچ...یا زینب
شعنده من ثارات دهرچ...یا زینب
سهامه قريبه...صرتي غريبه
بين يوم وبين ليله لنچ بطف الرزایه
بکربله أم المصائب والنوايب والمنايه
بعد شرد احچي يزينب بکربله صعبه الروايه
بگت چم ليله ويه اخوتچ تگضي وتغدي ضحايه
مصابهم گلبچ يذوبه...یا زینب
وبعد عندچ ليله صعبه...یا زینب
ليله رهيبه...صرتي غريبه
بليله لا خيمه تضلچ ولا اخو التشكيله همچ
بس نسه ثكله وحزينه واليتامه کلها یمچ
تصبرین بسکنه ساعه ابد ما ينسانه عمچ
ويا رقيه عمه سكتي انه ابوچ وانه امچ
بين عدوان ويتامه...یا زینب
وهاج دلالچ غرامه...يا زينب
لجثه سليبه...صرتي غريبه
من اليتامه وحده تمشي وين ما تدري ابمشيها
تصيح يا بويه يحيدر ويكسر الخاطر بچیها
بويه عمتي ابين اميه ليش ما تنغر عليها
ومن يشوفوها الأعادي يوسمون بسوط اديها
وضلت الطفله تنادي...يا زينب
خلصيني من الأعادي...يا زينب
بدمعه سچیبه...صرتي غريب
