الليل ايهيج الدلال بهمومه...شتريد تصیر زینبكم المهضومه

يالمنكم الناس تعلمت الغيره...تگلب بالهموم وحايره حيره
چافل چان عدها ومالها غيره...ويا محله الگمر عباس ورسومه

لچن بليلة چانت احله كل ليله...غاب وخله زینب ظلت انحیله
يا نجم الیساهر حته تشكیله...الله يساعدچ زینب المظلومه

وطالت عالعقيله الليل ساعاته...وگامت وحده وحده تنام نجماته
لچن اشلون زينب ليلها تباته...دمعات وعتب وآلام ملچومه

كل ليله الگمر بعيونه يرعاها...لچن السهم هاي الليله طفاها
ونذرتله نذر متنام عيناها...وتضل طول الدهر بالسهر ملزومه

وظلت للفجر بت سيد الاملاك...يگلبها الحزن ما بين هذا وذاك
ما تنساك يا عاشور ما تنساك...تنسه شچم جسم مطروح بالحومه

تنسه خد اخوها حسين المترب...لو راس الگمر عباس المصوب
لو تنسه خدرها الشافته مسلب...لو رضعان تنسه بنبل مفطومه