الدنيه من تصيبني بنيشانها...زینب اذكرها واجيب احزانها

من اجيب احزانها الهم ينجلي...ودمعتي تسيل اعله خدي لبت علي
بيوم واحد ضلت ابلايه ولي...وبگت چنها المرتضى بميدانها

زینب وماكو مثل زینب مره...وبفضلها تاهت اعقول الوره
خلي كلشي تگول تبگه امقصره...شانها شان الزچيه شانها

زینب وماكو مثل زینب اسم...والنعم منچ يزينب والنعم
انتي چافل خدر النشمي الشهم...ذاك ابوفاضل گمر عدنانها

حين گبرچ شفته ودموعي تكت...بلا شعور ولا وعي وحرگه صحت
حرمه زينب ليش حاربها الوكت...وتالي شافت عالثره خوانها

الباري بيها افتخر بت حامي الدخيل...حين ودعت کربله بوكت الرحيل
لو جبال الصبر زینب ما تشيل...ولا انس تگدر تشيله وجانها

صدت وشافت حسین اعله الثره...گلي شسوي وبگت متحيره
تنزل تدفنه وهيه امخدره...والغسل گبل الدفن واچفانها

گالت امشي للنهر وهناك اصيح...صدگ هذا حسین عالغبره ذبیح
صدگ عالناگه اركبت وانته طريح...وماگمت خويه وترج اکوانها