النزلات.......
نار وثار
يا بدر محجوب عن احبابه...یا هو مثلك بدر طال اغيابه
یاهو مثلك بدر طالت غيبته...وابد ما انطانه موعد رجعته
سافر وطالت علينه سفرته...وخله چم دمعه عليه سچابه
عادة العاشگ اللي فارگ حبیب...حته لو يمه هله چنه غریب
وابد ما يرتاح دلاله ويطيب...وابد میداويه بس الصابه
سيدي الفارگ حبیبه شیبگه بیه...يضل مأسور بأمل ساعه ويجيه
ومو بديه لو راد ينسه مو بديه...جمرة الحب سيدي لهابه
واحنه ظلينه اساره محبتك...الشوگ نحلنه ونناطر طلعتك
صدورنه مخنوگه كلها الفرگتك...وگمنه ندعو کلمن بمحرابه
غيبتك مولاي حزت بالنفس...اظهر ولقن بني اميه درس
عدنه ماتم سيدي وعدهم عرس...وفوگ کل هذا وهم طلابه
سيدي عابونه بمعاگب اسنين...وگاموا يگولون هذا الثار وین
صار ألف عام اعله چتلتنه الحسين...وشفنه بس شيعته تبچي مصابه
گلي شيگلهم الما عنده گلب...الخلص باللوعات والدمعه التصب
وبعد ما عنده أمل غير الحرب...يا هله بيوم الحرب واصحابه
سيدي تنتظر جیت کربله...والمسافر کون يرجع يم هله
ياخذ بثارات ابن عقد الوله...والذي آذاه يصفي احسابه
تدري خلو عمتك عالتل تصيح...تدري خلوها تون ونت ذبيح
تدري خلوها عله الغبره تطيح...ومن تطيح الطف يهیج اترابه
آخ يالمهدي الك ثارات نار...وكون نفس النار هيه تصير ثار
آل اميه لا زغار ولا كبار...ذبح كلهم يبن داحي بابه
وحگ امك فاطمه وكسر الضلع...الصار بهلك سيدي ما ينجرع
والله منعو عمتك من الدمع...واليهل دمعه السياط جوابه
